Do të dëshiroja të riktheja sërish ato vite, të cilat do t’i cilësoja si më të bukurat dhe të dobishmet.

Orët e zhvilluara me pedagogë të kualifikuar dhe të gatshëm për të ofruar pa kushte ndihmën dhe njohuritë e tyre. Mirënjohje për gjithshka!

Ajo që gjeta në UB dhe që sot kujtoj me mall, është stafi i pedagogëve tepër profesionistë, të cilët japin çdo gjë nga vetja e tyre vetëm që studentët të arrijnë suksesin e merituar.

Çdo gjë ishte ndryshe nga sa mendoja në fillim por UB me kalimin e kohës u bë familja ime e dijes.

UB është Universiteti i mundësive, studentët aktualë e dinë tashmë se janë pikërisht në vendin e duhur për ta. Barletas do të thotë mundësi.

Barletasit e rinj do të njihen me një mjedis dinamik akademik dhe studentor, i cili fokusohet tek zhvillimi studentor dhe karriera. UB është Universiteti i Ekselencës, Universiteti i duhur për çdo student.

Gresilda Vogli, studente e vitit të dytë, në Financë-Kontabilitet pranë UB dhe pjesë e programit Erasmus, në Spanjë.

Unë quhen Geri Gruda, student i vitit të 4rt në degën Arkitekturë, në Universitetin e ekselencës “Barleti”

Gjatë vitit akademik 2016-2017, unë isha pjesë e programit Erasmus+, i cili më mundësoi të shkoja për studime për 6 muaj, në Universitetin Politeknik të Barit, Itali.

Projekti Erasmus+ i dha përgjigje shumë pyetjeve të cilat unë i kisha ndërtuar për zhvillimin tim social, akademik dhe profesional. Rikthimi në UB pas projektit Erasmus+, më jep energji pozitive për të dhënë kontributin tim me ide të reja në zhvillimin e mëtejshëm të projekteve të tilla në universitetit tone, si dhe për të ndarë eksperiencën time shumë të veçantë me të gjithë studentët e interesuar.

UB krijon mundësi zhvillimi në fushat më me potencial të momentit dhe gjithashtu stafi akademik është tejmase i përkushtuar kundrejt rritjes tonë akademike dhe profesionale në të njëjtën kohë.

Unë jam Klodi Mustafa, studente e vitit të 3-të të degës psikologji në UB. Në periudhën Mars –Prill 2017, bashkë me një grup studentësh dhe pedagogë të Universitetit Barleti, ishim pjesë e projektit TELESEICT, zhvilluar në Guarda-Portugali. Ky projekt i organizuar me pjesëmarrës nga 11 shtete të ndryshme konsistonte në ndarjen e eksperiencave lidhur me strukturat funksionale që merren me personat me nevoja të veçanta, në secilin prej këtyre vendeve, përdorimin e teknologjisë në funksion të modeleve të reja terapeutike dhe ideve të reja që mund të shërbejnë në përmirësimin e këtyre strukturave.

Interesi i veçantë që i kushtohet temave që kërkojnë ndërgjegjësimin e përgjithshëm për ta bërë sa më të lehtë integrimin e këtyre personave në shoqëri, në mënyrë që të ndihen dhe të kuptojnë se në këtë botë kanë lindur me të drejta të barabarta, më bëri të kuptoj që në Shqipëri jemi në rrugën e duhur për t’u bërë një shoqëri e ndjeshme ndaj këtyre problematike që kërkojnë kontributin e gjithsecilit prej nesh.

Krenare që jam Barletase.

Unë quhem Xhulja Marku, jam studente e universitetit "Barleti" programi Bachelor në “Fianancë-Kontabilitet”, viti i dytë.

Këto fjalë po i shkruaj me shumë emocion pasi realisht eksperienca, që dua të ndaj me ju si pjesë e programit ERASMUS+, është një eksperiencë e papërshkrueshme. Tre muaj në Spanjë, në “Instituto Feiral de Vigo”, kanë qënë plot vlera, emocione, dije, një eksperiencë ku ti vlerëson diçka që se ke pasur më parë e cila të pasuron jo vetëm me njohuri, por edhe me dashuri ndaj botës dhe inovacionit. Kjo mundësi që ne po përjetojmë, u bë e mundur falë Universitetit të Ekselencës “Barleti”, pasi tani e tutje të gjithë do e njohin si të tillë, me arritje të shkëlqyera dhe vlerësim maksimal.

Besoj se nëse cilido ka dëshirë të përjetojë eksperienca të ngjashme dhe të ndihet i plotësuar në çdo aspekt e sidomos atë akademik, duhet të zgjedhë universitetin e ekselencës, pasi e ardhmja do të vazhdojë në rrugën e ekselencës ashtu siç e pasqyron më së miri ky universitet. Ftoj çdo student të fillojë rrugëtimin e tij drejt suksesit duke zgjedhur të jetë pjesë e Universitetit “Barleti”.

Unë jam Elisabeta Derdi, studente e degës Psikologji, në Universitetin e ekselencës “Barleti”

Kam patur mundësinë e madhe të përfaqësoj UB-në në në projektin e programit “Teleseict” që është zhvilluar në vitin 2017, në Turqi, ku kishte studentë pjesëmarrës nga universitete të shumë shteteve të ndryshme.

Projektet në të cilat kam marrë pjesë, të mbështetura nga Universiteti Barleti, më kanë shërbyer në shumë forma. Së pari, kanë qenë një kënaqësi shumë e madhe për mua të gjendem në këto projekte që kanë shumë përfitime përsa i përket profesionit që unë kam zgjedhur. Këto programe ofrojnë një ndërveprim me njerëz dhe kultura të ndryshme. Së dyti, pjesëmarrja në këto programe është një mënyrë shumë e mirë socializimi duke mësuar gjëra të reja me anë të bashkëpunimit me të tjerët.

Quhem Sara Shahini dhe jam studente e vitit të dytë, dega Financë-Kontabilitet, në Universitetin “Barleti”.

Thonë se Erasmus+ nuk është vetëm dëshira jote më e madhe në jetë por jeta jote në disa muaj. Për mua, është eksperiencë e re, e pa provuar më parë dhe nuk ka rëndësi nëse shkon një apo dy herë, ajo që ka rëndësi janë njerëzit të cilët janë me ty në këtë udhëtim.

SHLUJ Universiteti “Barleti” na ofroi këtë mundësi të artë për të qenë pjesë e Erasmus+. Zhvillimi i mësimit këtu në Spanjë do të më vlejë mua për formimin tim dhe mbi të gjitha do arrij të njoh kultura dhe ide të reja.

Zgjedhja e Barletit nga ana ime ishte e duhura, bëje dhe ti një zgjedhje të duhur për veten! Universiteti “Barleti”, Universiteti i Ekselencës!