ZYRA E REKRUTIMIT, PRANIMIT DHE REGJISTRIMIT

Zyra e Rekrutimit, Pranimit dhe Regjistrimit (ZRPR) është njësia administrative e cila planifikon, menaxhon dhe koordinon procesin e rekrutimit, aplikimit, pranimit dhe regjistrimit të studentëve të rinj, në përputhje me kërkesat e legjislacionit në fuqi dhe udhëzimet institucionale.

Zyra e Rekrutimit, Pranimit dhe Regjistrimit, ushtron mbulon dhe përgjigjet për detyrat e mëposhtme:

• Planifikon dhe zhvillon veprimtaritë e saj, në përputhje me udhëzimet dhe orientimet e Zëvendësrektorit për Çështjet Studentore dhe Komunitetin dhe Administratorit të Deleguar, duke raportuar periodikisht pranë tyre apo sa herë është e domosdoshme.
• Krijon bazë të dhënash të përditësuar me kontaktet e shkollave të mesme, bashkëpunëtorëve dhe ambasadorëve të institucionit dhe mban marrëdhënie aktive me ta.
• Zhvillon studime/analiza/anketa lidhur me trendet dhe kërkesat maturantëve për studimet në vijim, harton raporte me gjetjet e evidentuara dhe i paraqet ato tek Zëvendësrektori për Çështjet Studentore dhe Komunitetin dhe Administratori i Deleguar.
• Bashkëpunon me Zyrën e Marketingut dhe Koordinatorët e Departamenteve për hartimin e materialeve të nevojshme promovuese dhe koordinon procesin e promovimit dhe rekrutimit.
• Orienton/trajnon stafin që është ngarkuar me detyra në procesin e rekrutimit dhe promovimit lidhur me procesin dhe përqasjen institucionale, me qëllim promovimin dhe prezantimin sa më dinjitoz të institucionit.
• Orienton/trajnon stafin që është ngarkuar me detyra në procesin e regjistrimit dhe pranimit lidhur me përqasjen institucionale, legjislacionin në fuqi dhe rregullat institucionale dhe dokumentacionin e nevojshëm për këtë proces.   
• Organizon, menaxhon dhe mbikëqyrë procesin e pritjes dhe informimit, aplikimit, pranimit dhe regjistrimit të studentëve të rinj në bashkëpunim me stafin e ngarkuar me detyra në këtë proces. 
• Organizon, koordinon dhe bashkëpunon me koordinatorët e departamenteve procesin e transferimeve të studentëve të rinj dhe përcjell në sekretari dokumentacionin përkatës konform udhëzimeve të ministrisë përgjegjëse për arsimin dhe rregullores së tranferimeve të UniBa. 
• Koordinon procesin e aplikimeve për bursë, vlerësimit dhe dokumentimit të tyre.
• Organizon procesin e lidhjes së kontratave me studentët e regjistruar, mbështetur në udhëzimet dhe vendimet e Bordit të Administrimit.
• Harton dhe përditëson bazën e të dhënave për të gjithë studentet qe regjistrohen për herë të pare, për ata qe transferohen, për ata qe largohen si dhe për studentet qe kane përfituar bursë studimi.
• Harton analiza krahasuese  dhe evidenton faktorë dhe aktorë të mundshëm ndikues në këto të dhëna.
• Harton propozime të argumentuara për përmirësimin e procesit te  aplikimeve, pranimeve dhe regjistrimeve.

Për më shumë informacion, lutem na kontaktoni:

Cel: +355 69 20 41 222
Email: [email protected]