Universiteti Barleti, funksionon tërësisht në baza akademike të njohura sipas modelit të shprehur në parimet e Deklaratës së Bolonjës. Përbëhet nga fakultete e departamente, qendra kërkimore të integruara pranë fakulteteve, si dhe udhëhiqet, organizohet e drejtohet nga organe e autoritete në përputhje me legjislacionin për arsimin e lartë.

Patja në qendër studetin, duke nxitur atë drejt rrugës së dijes, nëpërmjet programeve e kurrikulave në përputhje me tregun e punës, stafi akademik i niveleve të larta, mjediset bashkëkohore pajisur me laboratorë, infrastruktura teknologjike e lartë, hapësirat kreative, inovative e argëtuese,terrenet sportive, e shumë komoditete dhe risi akademike e të jetës studentore, bëjnë qëBarletasit të jenë gjithmonëgati për sfidat qëi presin përtej universitetit.

Universiteti Barleti me strategjinë e tij synon të thyejë kornizat e modeleve klasike të institucioneve të arsimit të lartë, duke sjellë në Shqipëri modelin e universitetit aplikativ, i cili krahas proceseve klasike të mësimdhënies, i jep një rëndësi të veçantë aspekteve të aplikuara të njohurive shkencore, inovacionit dhe sipërmarrjes.

Misionii Universitetit Barleti është zhvillimi i qëndrueshëm i Universitetit në të gjitha drejtimet: akademike, kërkimore e shkencore, sociale, kulturore e sportive, duke u bërë faktor promovimi dhe motorr zhvillimi, jo vetëm në fushën e arsimit, por edhe më tej.

Univeristeti Barleti është universiteti i vetëm në Shqipëri me vlerësimin maksimal në të gjitha fushat e vlerësimit nga kompania Britanike QAA, e megjithatë, misioni mbetet sërish ruajtja dhe zhvillimi i mëtejshëm i këtyre standardeve.

Marrëdhëniet me të tretët (universitetet partner, shkolla të mesme partnere publike e private, kompani të ndryshme, të cilat bashkëpunojnë me Barletin jo vetëm për punësim apo internship të studentëve, por edhe për studime tregu, aktivitete të përbashkëta, trajnime, agjenci private e publike, përshirja e ALUMNI etj.), promovimi i institucionit, përmirësimi i vazhdueshëm i komunikimit, përfshirja në jetën universitare e personaliteteve të rëndësishëm, zhvillimi i jetës studentore e të qenitzë publik i problematikave që shqetësojnë komunitetet, janë pjesë e vizionit që udhëheq Universitetin Barleti.

Praktikat më të mira ndërkombëtare tregojnë se zhvillimi i qëndrueshëm bazohet në dy elementë të rëndësishëm: në stafe cilësi të brendshme dhe në marrëdhëniet jashtë institucionit. Universiteti Barleti, fokusohet veç të tjerash në zhvillimin e stafit të brendshëm, nëpërmjet trajnimeve, konferencave, rritjes në grada e tituj akademikë, motivimit të tyre, futjes së standardeve më të larta të metodologjisë akademike, rritjes së performancës së stafit administrativ e suportues nëpërmjet trajnimeve të vazhdueshme, retreat-et, e të tjera.

Universiteti Barleti, në tërësinë e tij, synon dhe ka treguar se arrin, ekselencën në çdo detaj.

Në misionin dhe vizionin e tij, Grupi Barleti është një institucion aplikativ, novator, lider në sipërmarrje, ndërveprues dhe komunitar, i orientuar nga tregu i punës, duke vendosur studentin dhe qytetarin në qendër dhe duke zhvilluar bashkëpunime kombëtare rajonale dhe ndërkombëtare. Në zhvillimin e komponentit të kërkimit shkencor si të atij bazë dhe atij të aplikuar, BG mbështetet në modelin e helikës së pesëfishtë sipas së cilës aktorët bashkëveprues janë pesë: Akademi dhe Institute, Industri dhe Sipërmarrje, Qytetar dhe Përdorues (konsumator), Qeveri - Institucione Ndërkombëtare , Ambienti dhe Ekosistemi.

Duke vënë dijen dhe eksperiencën në një pozicion të ri: dije në përdorim - për të krijuar njohuri të reja, të domosdoshme për t’u shndërruar në sipërmarrje - rrit qëndrueshmërinë në një ambient konkurrues në ndryshim të vazhdueshëm. Me programet, iniciativat, shërbimet e ofruara GB dhe UB, aftësojnë burimet njerëzore dhe studentët, individët dhe sipërmarrësit për novacion në fusha të ndyshme, nxisin kapacitetet dhe talentet e individëve, grupeve, studentëve për ide të reja sipërmarrëse, i edukojnë dhe formojnë ata për të ardhmen në ndryshim.

BG zhvillon dimensionin e tij të kërkimit të aplikuar, jo vetëm në departamente e fakultete, por kryesisht dhe gjerësisht nëpërmjet instituteve të kerkimit, kolegjeve profesionale dhe iniciativave të ndryshme të institucionalizuara si Barleti Hub, City Lab etj., që krijojnë e zbatojnë jo vetëm projekte kërkimi, por edhe sipërmarrje të reja novatore, spin-off-e, shërbime biznesi e formime profesionale në nivele e fusha të ndryshme. Kërkimi në GB është aplikativ dhe bazë, si individual po ashtu dhe institucional ndërdisiplinar, bazuar në sipërmarrje konkurruese, novacion me shumë përmasa, ekonomi e bazuar në dije, e ardhmja dixhitale, start-up-e, etj.

Novacioni me shumë përmasa dhe i hapur ndaj kujtdo dhe me këdo, zhvillohet sipas Henry Chesbrough, babai i novacionit të hapur, si një domosdoshmëri e re për të krijuar dhe përfituar nga teknologjia ku këmbimi i njohurive, sjell përshpejtim të brendshëm të novacionit dhe zgjeron tregjet për përdorim të jashtëm të këtij novacioni. Duke patur parasysh që e ardhmja digjitale kërkon përgatitjen e kapitalit njerëzor për të përballuar ndryshimet marramendëse në botën e punës e biznesit, BG në fokus të tij ka individë dhe struktura që në tregun përkatës, duhet të njohin, zotërojnë e zbatojnë teknologjitë e reja; të ofrojnë aftësi dhe eksperienca të reja. Siç ka verbalizuar me gjenialitet shumë kohë më parë dhe Einstein: “Të mësuarit është një eksperiencë, çdo gjë tjetër është informacion”.

Barleti Nonprofit është një divizion i hapur, i mirëorientuar, novativ dhe vizionar. Është një punë e qëndrueshme e një grupi ekspertësh që janë pjesë e divizionit që në fillesat e tij. Është më shumë se një njësi apo bërthamë: është mentalitet dhe ambicie për sukses në fusha që sjellin risi sociale. Fokusi ynë janë studimet kërkimore, trajnimet për rritje kapacitetesh, shërbimet dhe konsulencat, përpunim dhe interpretim të dhënash sikurse dhe zbatimi i projekteve me fonde dhe të ardhura të siguruara sipas ligjit.

Jemi të orientuar drejt tendencave globale në mbështetje të sektorit publik dhe kundrejt promovimit të zhvillimit ekonomik vendor e kombëtar, duke u fokusuar tek biznesi i vogël e i mesëm, biznesi inteligjent dhe zgjidhjet novative. Një sërë iniciativash, dalin nga projektet vizionare të divizionit: Start Up-e, akselerator, sipërmarrje sociale, rehabilitim strukturash etj. Tematikat si: zhvillim i qëndrueshëm, energji e gjelbër, transport inteligjent, ekonomi blu, janë ndër më të përmendurat e komponentit nonprofit dhe në shërbim të shoqërisë civile.

Në përditshmërinë tonë, kemi si qëllim identifikimin e fondeve lokale dhe ndërkombëtare, shkrimin dhe aplikimin në thirrje të ndryshme, menaxhimin e projekteve dhe fondeve të fituara. Barleti Nonprofit ndërmerr nisma të qëndrueshme dhe me impakt ekonomik dhe social si: qyteti inteligjent, ngrohja globale, ekonomia qarkulluese, energjia, transporti, qyteti kreativ, ekonomia kreative dhe ekonomia e dijes, e ardhmja digjitale dhe teknologiitë e reja, kapitali njerëzor dhe punësimi, konkurrueshmëria dhe sipërmarrja, turizmi dhe sektorët e ndërlidhur, zinxhiri i vlerës për agroushqimin, etj.

Një pjesë e jona orientohet drejt shëndetit fizik dhe mendor, përfshirjes rinore, kreativitetit dhe kulturës, apo turizmit si komponent zhvillimor, duke e bërë më të gjallë dhe gjithëpërfshirëse frymën e Barleti Nonprofit. Arti dhe industritë kreative gjejnë hapësirë zhvilluese dhe frymëzuese duke shërbyer për të thithur dhe harmonizuar shtresat sociale, për të ulur ndjesinë e paragjykimit, për të qenë burim të ardhurash për artdashësit, sikundër për ti dhënë vlerë gjithë komunitetit.

Ndër vite, bashkëpunimi me autoritetet publike dhe private të vendit si dhe me organizmat rajonalë e ndërkombëtarë, ka qenë optimal, dhe si rrjedhojë shkëmbimi i përvojave dhe ndërmarrjes së studimeve dhe projekteve me interes të ndërsjelltë ka funksionuar më së miri. Numërohen rreth 100 marrëveshje bashkëpunimi me entitete kombëtare dhe ndërkombëtare, marrëveshje që së shumti prodhojnë projekte, fonde, angazhim njerëzor dhe pse jo punësim.

Konsulenca Barleti është një iniciativë e re, e cila ka për qëllim të vihet në shërbim të bizneseve dhe organizatave (qeveritare e joqeveritare), duke ofruar zgjidhje konkrete dhe mbështetje në zbatim të tyre deri në arritjen e rezultateve të matshme.

Ajo nuk bën vetëm këshillim, por në bashkëpunim me partnerët e Grupit Barleti, zhvillon strategji të përshtatshme që garantojnë arritjen e synimeve dhe objektivave të caktuara. Konsulenca Barleti synon të japë kontributin e saj në rritjen ekonomike dhe përmirësimin e standardeve të jetës në përgjithësi.   Grupi i konsulentëve Barleti përbëhet nga profesionistë, akademikë të rinj e me eksperiencë, vendas e të huaj, që duke kombinuar njohuritë praktike me metodat e kërkimit të avancuar shkencor, ofrojnë zgjidhje novatore dhe unike.  

Transferimi i Dijeve dhe Teknologjive, si dhe Studimi e Implementimi i praktikave më të mira në kontekstin dhe situatat lokale e globale, jo vetëm është në të përditshmen e Grupit Barleti, por përfaqëson dhe një nga elementët kyç të zhvillimit strategjik. Duke nisur që nga modelimi i produkteve apo shërbimeve të reja, të ridimensionuara dhe të përshtatura për tregjet lokale e ndërkombëtare, digjitalizimin e proceseve e deri në krijimin e strategjive të reja organizative, apo krijimin e politikave të caktuara, konsulentët ofrojnë teknika të avancuara dhe efikase.

Koordinimi i të gjitha burimeve dhe potencialeve të ekspertëve akademikë vendas apo ndërkombëtarë, studentëve të ekselencës e profesionstëve të rinj, në një formë të hapur dhe inovatore, ofrojnë konsulencë dhe ekspertizë të një niveli të lartë, në:

Planifikim Urban dhe Shërbime Këshillimore: Mendimi krijues dhe njohuritë tona të gjera të ndryshimit të politikës së planifikimit dhe tendencave të saj socio-ekonomike, nënkuptojnë që të maksimizojmë vlerën e tokës në projekte të rigjenerimit të madh urban, me përdorim të përzier, si dhe zhvillime prestigjioze të hapësirave të gjelbra.

Hulumtim i Tregut dhe Analizë e të Dhënave të Konsumatorëve: Procesi i mbledhjes dhe analizimit të informacionit të jashtëm dhe të brendshëm me qëllim të ofrimit të njohurive të vlefshme për vendimmarrje.

Zhvillim dhe Vlerësim i Politikave Publike: Puna në politikat publike (strategji kombëtare, sektoriale, rajonale ose komunale) dhe projektet specifike të autoritetit publik në fushat e infrastrukturës, efikasitetit të procesit, kapacitetit administrativ të qeverisë ose zhvillimit të kapitalit njerëzor.

Konsulencë Menaxhimi: Procesi i njohjes dhe kuptimit të problemeve organizative, dizajnimi i zgjidhjeve konkrete dhe puna krah për krah me klientin për të krijuar ndryshime produktive. Grantet & Menaxhim i Projekteve: Procesi i sigurimit të financimit të jashtëm për rritjen e organizatës dhe sigurimi i zbatimit të suksesshëm të një projekti.

Menaxhim i Aseteve dhe Projekteve: Ne hartojmë planin dhe menaxhojmë asetet në të gjithë sektorët qeveritarë, privatë dhe ndërkombëtarë. Shërbimet e menaxhimit të aseteve dhe projekteve ofrohen nga katër skuadra kyçe që mbulojnë konsulencën e kostos,  menaxhimin e projekteve, krijimin e konsulencës dhe sigurimin e konsulencës.

Infrastrukturë dhe Mjedisi i Ndërtimit: Ne kuptojmë se si ndërtesat, infrastruktura, strukturat, peizazhet dhe hapësirat punojnë së bashku për të krijuar zgjidhje me një ndjenjë të veçantë dhe të gjallë të vendit. Konsulentët tanë ekspertë si dhe specialistët teknikë kanë njohuri dhe aftësi për të ofruar këtë vlerë.

Sipërmarrje & Mbështetje e Startup-it: Asistencë profesionale për sipërmarrësit që mbulojnë gamën e plotë të temave të zhvillimit të startup-it. Ndihma e organizatave për të krijuar dhe zbatuar përkrahje kuptimplotë të ndërmarrësisë dhe programe zhvillimi.

Barleti Investment, sjell inovacion edhe në Investim e Sipërmarrje. Komercializim i ideve, produkteve dhe shërbimeve përmes ngritjes së sipërmarrjeve të reja, startup-eve dhe bizneseve inovatore. Laboratorë dhe baza prodhuese, qendra polifunksionale dhe ekosisteme konkurruese per ideim – planifikim – prodhim – komercializim.

Sipërmarrje konkurruese për zhvillim inovator, inteligjent dhe kreativ – ky është misioni që shoqëron Barleti Investment.

Në vizionin e Barleti Investment, qëndron qasja unike e ndërveprimit ndërmjet niveleve të ndryshme të ekonomisë dhe sipërmarrjes, si dhe bashkëpunimi proaktiv i sektorëve të ndryshëm të ekonomisë, në një realitet në ndryshim e zhvillim të vazhduar.

Ne, në Barleti Investment, besojmë në disa etapa të vijuara natyralisht, prej ekzistencës së idesë, planifikimi dhe strategjia novatore – zbatimi me aktivitete, menaxhim dhe implementim kreativ – për t’u zhvilluar një ekosistem konkurrues dhe i qëndrueshëm për investimet konkrete dhe sipërmarrjet. Për Barleti Investment, janë disa fjalë kyçe, të cilat reflektojnë qëllimin e synuar:

Punonjës: Zhvillim i kapitalit njerëzor me talent dhe aftësi për të fuqizuar sipërmarrjet shqiptare. Ekosisteme: Ideimi, Ndërtimi dhe Zhvillimi – Qendra Polifunksionale, Hub-e Inovativë dhe ekosisteme tërheqëse me atmosferën dhe infrastrukturën e nevojshme për sipërmarrjet dhe qytetarët. Teknologjitë: Përdorimi i teknologjive bashkëkohore ose testimi i atyre të reja, si dhe zgjedhja e asaj të nevojshme për përdorime, zgjidhje dhe aplikacione të ndryshme.

Kreativiteti: Ndjesia dhe pasioni që transmetojmë përmes punës sonë te partnerët, bashkëpunëtorët dhe kolegët.

Inovacioni: Kapërcimi pengesave dhe problemeve ditore me metoda, mënyra dhe opinione e zgjidhje jashtë atyre tradicionale.

Sipërmarrja: Fuqizimi sipërmarrjeve dhe sipërmarrësve të rinj, për të krijuar punësim, zhvillim dhe prosperitet.

Barleti Investiment, beson në: Guximin për të ndërmarrë risk dhe për të ripropozuar veten. Interpretimin në mënyrë unike. Eksplorimin e limiteve dhe testimin e të panjohurës.

Pra, besojmë në Sipërmarrje, Kreativitet, Inovacion! Aktivitetet, në të cilat aplikohet kreativitet dhe inovacion në vazhdim, shtrihen në sektorë si: Manifakturë dhe Industri e Lehtë Përpunuese; Pajisje precizioni; Teknologji informacioni; Industri e telekomunikacionit: Pajisje elektrike dhe elektronike; Energji dhe lendë të para; Metalurgji dhe metale: Inxhinieri mekanike dhe industri e pajisjeve; Transport dhe shërbime; Automjete dhe pajisje për transport: Ndërtim dhe punë publike; Transport dhe Infrastrukturë: Materiale ndërtimi dhe xhama; Shëndet dhe mirëqënie; Mjedis; Grumbullim e trajtim të mbetjeve të ujrave të ndotur; Kimi dhe farmaceutikë: Gomë dhe plastike; Dru dhe mobilje: Letër dhe karton: Lekure dhe këpucë: Tekstile dhe veshje: Udhëtim e turizëm dhe kohë e lirë: Tregjet dhe Konkurueshmëria; Sipërmarrja dhe Shërbimet e Biznesit: Logjistikë. tregti dhe distribucion: Marketing, reklama dhe media; Bankë, financë dhe sigurime; Bujqësi dhe Blegtori; Ushqim dhe produkte të ngjashme, bar-restorant, kafene, katering; Printime, botime, kancelari; Produkte luksi dhe për kohën e lirë.