Barleti Volley - Të fokusuar në ekselencë - Universiteti "Barleti"
Barleti Volley - Të fokusuar në ekselencë



"BARLETI VOLLEY" nis të premten datë 15 Shtator rrugëtimin e tij në Kampionatin Kombëtar të volejbollit të vajzave si pjesëmarrës tashmë prej 18 vitesh në ligën Superiore të Volejbollit Shqiptar.

Si mbajtës i 5 titujve Kampion Kombëtar, 9 herë fitues i Kupës së Shqiperisë si dhe fitues i shumë kupave dhe turneve të tjerë ndër vite,"Barleti Volley" edhe këtë sezon do të përpiqet të jetë ndër skuadrat më të mira të volejbollit Shqiptar.

Me një përbërje të re, me vajza studente dhe me një staf profesional, vajzat kanë kohë që stërviten për këtë sezon që do të jetë sa i vështirë aq edhe sfidues për to.

Me mbështetjen e pakursyer financiare ndër vite të Barleti Group, të stafit akademik të Universitetit Barleti si dhe të studentëve të këtij Universiteti vajzat nën drejtimin e trainerëve-pedagogë Altin Gorenxa, Junida Pogoni dhe të kryetrainerit Artan Pogoni do të përpiqen të prezantojnë një volejboll sa argëtues aq edhe kompetitiv këtë sezon.

Edhe këtë vit "Barleti Volley" merr pjesë në aktivitetet zyrtare të volejbollit Shqiptar si e vetmja skuadër private dhe universitare në vend.

Urojmë vajzat dhe stafin drejtues për një vit sa më të mbarë dhe të suksesshëm drejt trofeve."

Lushnja-Barleti Volley datë 15.09.2023, ora 16.00 Palestra Farkë, Tiranë.

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2024 - Universiteti Barleti - Tiranë. Të gjitha të drejtat të rezervuara.