• 2026-09-14

Pozicioni: Personel akademik – Asistent-Lektor / Lektor në Departamentin e Shkencave të Sjelljes dhe Shëndetit
Profili: Psikologji dhe/ose Punë Sociale
Tipologjia: Me kohë të plotë dhe/ose me kohë të pjesshme, sipas nevojave të Departamentit
Afati i aplikimit: 21.09.2026

Kriteret kryesore për të aplikuar për pozicionin janë si më poshtë:

• Të ketë përfunduar studimet universitare në Psikologji, Punë Sociale ose në një fushë të afërt, me përputhshmëri të qartë të formimit akademik me lëndët që do të mbulojë.
• Për kategorinë “Asistent-Lektor”, të zotërojë së paku diplomën “Master i Shkencave” në fushën përkatëse ose të përafërt, në përputhje me legjislacionin dhe aktet e brendshme të Universitetit.
• Për kategorinë “Lektor”, të zotërojë gradën shkencore “Doktor” (PhD) në fushën përkatëse ose të përafërt, të ketë së paku 3 vite eksperiencë në mësimdhënie para ose pas fitimit të kësaj grade dhe të plotësojë kriteret e tjera institucionale në fuqi.
• Për angazhimin në mësimdhënie, të plotësojë kërkesën ligjore që personeli akademik të ketë së paku kualifikimin e ciklit pasardhës të atij ku jep mësim; për lëndët e ciklit të dytë kërkohet kualifikim i ciklit të tretë/gradë shkencore përkatëse.
• Të ketë përvojë akademike, profesionale dhe/ose kërkimore në një ose më shumë prej fushave të profilit; përvoja në mësimdhënie universitare përbën përparësi.
• Të ketë aftësi për hartimin, zhvillimin dhe përditësimin e syllabuseve, materialeve mësimore dhe instrumenteve të vlerësimit, në përputhje me programet e studimit, standardet e cilësisë dhe zhvillimet bashkëkohore të disiplinës.
• Të tregojë angazhim në kërkim shkencor, publikime, konferenca, projekte ose aktivitete të tjera akademike në fushën përkatëse.
• Të ketë aftësi të mira komunikimi, prezantimi, bashkëpunimi dhe pune në grup, si dhe gatishmëri për këshillimin e studentëve dhe angazhimin në veprimtaritë e Departamentit.
• Të jetë i/e gatshëm/e të kontribuojë, sipas nevojës, në detyra akademike e administrative të Departamentit, përfshirë komisionet, proceset e sigurimit të cilësisë dhe akreditimit, aktivitetet kërkimore, projektet, promovimin dhe rekrutimin.
• Të ketë aftësi të mira digjitale për mësimdhënie dhe punë akademike. Njohja e mirë e gjuhës angleze, veçanërisht për përdorim akademik dhe shkencor, përbën përparësi.
• Të respektojë parimet e etikës akademike, rregulloret e Universitetit Barleti dhe detyrimet që burojnë nga legjislacioni në fuqi për arsimin e lartë.

Përparësi do të kenë kandidatët të cilët:

• Kanë gradë shkencore/titull akademik dhe profil të drejtpërdrejtë me lëndët e programeve Bachelor në Psikologji, Master i Shkencave në Psikologji Klinike dhe Master i Shkencave në Punë Sociale në Sistemin Arsimor.
• Kanë publikime shkencore, pjesëmarrje në konferenca kombëtare dhe/ose ndërkombëtare dhe përvojë në projekte kërkimore ose institucionale.
• Kanë përvojë akademike ose profesionale në institucione vendase dhe/ose të huaja dhe aftësi për të ndërthurur mësimdhënien me praktikën profesionale.

Aplikimi

Kandidatët duhet të dërgojnë në format elektronik dokumentacionin e mëposhtëm:

• Kërkesë me shkrim.
• CV (Curriculum Vitae) të përditësuar, përfshirë listën e publikimeve, projekteve/punëve dhe referimeve në konferenca brenda ose jashtë vendit.
• Kopje të diplomave universitare.
• Kopje të dokumentit që vërteton gradën shkencore ose titullin akademik, sipas rastit.
• Portofol i shkurtër i punëve/projekteve akademike, shkencore dhe/ose profesionale (rekomandohet).

(*) Dokumentet e paraqitura në gjuhë të huaj duhet të shoqërohen me përkthimin përkatës.

(**) Për diplomat e marra në universitete të huaja, duhet të dorëzohet fotokopje e noterizuar e certifikatës së njohjes nga organi kompetent (MA), ose vërtetim që janë në proces njohje.

(***) Kandidatët që janë të punësuar me kohë të plotë në një institucion tjetër të arsimit të lartë dhe angazhohen me kohë të pjesshme pranë Universitetit Barleti duhet, përpara formalizimit të angazhimit, të plotësojnë kërkesat ligjore dhe institucionale përkatëse për këtë formë angazhimi.

Aplikimet duhet të dorëzohen me e-mail në: [email protected]