Regjistrohu në Kursin: Vlerësues i Pasurive të Paluajtshme

Regjistrohu në Kursin: Vlerësues i Pasurive të Paluajtshme - Barleti University

Regjistrohu në Kursin: Vlerësues i Pasurive të Paluajtshme

2026-02-27

Trajnimi “Vlerësues i pasurive të paluajtshme”, që zhvillohet pranë Universitetit Barleti, ofron njohuri dhe aftësi të specializuara për të ushtruar profesionin e vlerësuesit të pasurive të paluajtshme. Kjo përfshin vlerësimin e pronave të ndryshme si toka, ndërtesat, dhe çdo pronë tjetër që është e lidhur me truall ose ndërtesën në një mënyrë të qëndrueshme dhe të vazhdueshme.

Trajnimi i ofron pjesëmarrësve njohuri të detajuara mbi të drejtat dhe detyrimet e tyre si vlerësues të pasurive të paluajtshme, masat disiplinore, rregullat për tarifat, si dhe marrëdhëniet e tyre me palët e treta. Vlerësuesi i pasurive të paluajtshme mund të jetë përfaqësues ligjor i një shoqërie, ortak disponues i kapitalit të saj, ose një person i punësuar për këtë qëllim nga një shoqëri.

Studentët që përfundojnë kursin përfitojnë një certifikatë në fund të trajnimit, e cila u jep atyre të drejtën për të aplikuar në Ministrinë përkatëse për të marrë licencën individuale të shkallës së dytë në këtë fushë. Kursi zgjat për 4 muaj dhe zhvillohet në ditët e premte dhe të shtunën, duke përfshirë module bazë dhe praktika.

Specifikimet kryesore
• Personat që përfundojnë kursin për “Vlerësues të pasurive të paluajtshme” u lind e drejta të pajisen fillimisht me licencën e shkallës së dytë, dhe pas një përvoje dy vjeçare, u lind e drejta të përfitojnë licencën e shkallës së parë.
• Rregullimi me anë të ligjeve të veçanta, për rivlerësim të pronave, e ka stimuluar veprimtarinë e rivlerësimit të pasurive të paluajtshme që zotërojnë në veçanti individët, duke synuar në një rivlerësim të tyre.
• Kursi është i konceptuar me modulet më të domosdoshme për përgatitjen e vlerësuesve duke konsideruar legjislacionin në fuqi.
• Profesioni “Vlerësues i pasurive të paluajtshme”, me zhvillimet që ka marrë tregu i pasurive të paluajtshme, po bëhet një domosdoshmëri në transaksionet që realizohen në këtë treg.
• Vlerësimi i pasurive të paluajtshme, për persona fizik, persona juridik, etj. sipas akteve ligjore në fuqi, është i detyrueshëm të bëhet në mënyrë periodike.
• Procesi i rivlerësimit të pronave, për ndërtesa dhe tokë truall, është një shërbim i cili ka kërkesë gjithmonë në rritje.

Kursi fillon më 6 mars 2026

Kontaktet:
[email protected] - kontakt: 069 253 4277
[email protected]l - kontakt: 069 706 3488
[email protected] - kontakt: 069 406 1949

Rezervoni vendin tuaj!