Inteligjenca Artificiale në Arsim

Inteligjenca Artificiale në Arsim - Barleti University

Inteligjenca Artificiale në Arsim

2026-02-18

Në kuadër të zhvillimit profesional të stafit akademik, Njësia e Zhvillimit të Kurrikulës dhe Cilësisë (NJZHKC), në bashkëpunim me Komisionin e Sigurimit të Standardeve dhe Cilësisë të Universitetit “Barleti”, organizoi më 16 shkurt 2026 një leksion të hapur me lektor Prof. Dr. Aleksandër Xhuvani.

Gjatë këtij aktiviteti, u diskutuan gjerësisht:
- Optimizimi i mësimdhënies: Mundësitë që ofron AI për proceset e të nxënit.
- Sfidat etike: Përgjegjësia profesionale dhe kufizimet në përdorimin e teknologjisë.
- Integrimi në kurrikula: Praktika konkrete për përfshirjen e AI në procesin akademik.

Leksioni u mbyll me një diskutim interaktiv, ku pedagogët ndanë përvojat e tyre mbi qasjet bashkëkohore në universitet. Ky aktivitet konfirmon angazhimin e Universitetit “Barleti” drejt metodave inovative dhe integrimit të teknologjisë në arsimin lartë.