English
Shqip
Biznesi i Vogël dhe Etika: Perspektiva Akademike mbi Sfidat e Sipërmarrjes
Klubi studentor me drejtim Menaxhim, Biznes, Financë dhe Marketing, nën mentorimin e Prof. Asoc. Dr. Aelita Mani, zhvilloi një debat studentor me temë “Biznesi i Vogël dhe Etika”, duke krijuar një hapësirë reflektimi dhe diskutimi mbi rolin e etikës në sipërmarrjen bashkëkohore.
Studentët, të organizuar në katër grupe, prezantuan argumente pro dhe kundër mbi situata konkrete nga realiteti i biznesit të vogël, duke u ndalur te çështje si vendimmarrja etike, transparenca, përgjegjësia sociale dhe raporti i biznesit me komunitetin. Përmes shembujve praktikë dhe debateve të strukturuara, pjesëmarrësit analizuan sfidat që hasin sipërmarrjet në balancimin mes fitimit dhe parimeve etike.
Ky aktivitet shërbeu si një ushtrim i vlefshëm akademik dhe profesional, duke nxitur mendimin kritik, aftësinë argumentuese dhe përgatitjen e studentëve për sfidat reale të tregut të punës dhe të sipërmarrjes.
Foto Galeri
Lajmet e fundit
-
-
-
-
-
-
-
Kapitali njerëzor në fokus të lidershipit modern
07 Maj 2026 -
