NJZHKC organizon sesion orientues për vlerësimin periodik të programeve të studimit - Barleti University
NJZHKC organizon sesion orientues për vlerësimin periodik të programeve të studimit
NJZHKC organizon sesion orientues për vlerësimin periodik të programeve të studimit

Njësia e Zhvillimit të Kurrikulës dhe Cilësisë (NJZHKC) zhvilloi më 11 nëntor 2025 një sesion orientues–informues me anëtarët e Grupeve të Vlerësimit të Brendshëm (GVB), të propozuar nga departamentet përkatëse. Ky aktivitet u organizua në kuadër të procesit të vlerësimit periodik të programeve të studimit.

Gjatë sesionit, nën drejtimin e Dr. Blerta Turani, Drejtuese e NJZHKC, u prezantuan udhëzimet për përgatitjen e dosjeve të vetëvlerësimit. U diskutuan struktura e raportit të vlerësimit të brendshëm, plani i veprimit të dorëzuar në ASCAL (Agjencia për Sigurimin e Cilësisë në Arsimin e Lartë) dhe afatet e dorëzimit të materialeve. Informacioni u bazua në kuadrin ligjor dhe nënligjor në fuqi, si dhe në akte të tjera rregullatore.

Aktiviteti përbën një hap të rëndësishëm në strategjinë institucionale për forcimin e kulturës së cilësisë, duke siguruar bashkërendimin dhe standardizimin e punës së GVB-ve në procesin e vlerësimit të brendshëm.


NJZHKC falenderon të gjithë pjesëmarrësit për bashkëpunimin dhe kontributin e tyre në këtë proces.

Arkiva sipas:

Lajmet e fundit

SUBSCRIBE TO THE NEWSLETTER
Quick links: Privacy policies | State Matura | E-Albania portal | Ministry of Education and Sports | U-Albania portal
© Copyright 2025 - Barleti University - Tirana. All rights reserved.