Një ditë e dedikuar aftësive që shpëtojnë jetë!

Një ditë e dedikuar aftësive që shpëtojnë jetë! - Barleti University

Një ditë e dedikuar aftësive që shpëtojnë jetë!

2026-05-04

Në bashkëpunim me Kryqin e Kuq, studentët e infermierisë u angazhuan në një aktivitet praktik të fokusuar në përballimin e situatave emergjente dhe reagimin e menjëhershëm për ruajtjen e jetës. Gjatë këtij trajnimi, ata patën mundësinë të thellojnë njohuritë dhe të ushtrojnë në mënyrë konkrete teknikat bazë të ndërhyrjes në raste kritike.

Një pjesë e rëndësishme e aktivitetit iu kushtua praktikës së Basic Life Support (BLS), ku studentët ushtruan hapat e reanimimit bazë, si dhe ndërhyrjet e para në rastet e bllokimit të rrugëve të frymëmarrjes, duke rritur sigurinë dhe gatishmërinë për të vepruar në situata reale.

Pjesa praktike u përqendrua gjithashtu në zhvillimin e aftësive klinike, ku studentët realizuan matjen e parametrave jetësorë, vlerësimin e gjendjes së përgjithshme të pacientit, si dhe procedura të tjera bazë si përcaktimi i grupit të gjakut. Kjo eksperiencë u mundësoi atyre të lidhin teorinë me praktikën dhe të fitojnë më shumë siguri në veprimet e tyre.

Aktivitete të tilla janë thelbësore për përgatitjen e profesionistëve të ardhshëm të shëndetësisë, duke i pajisur me kompetenca praktike dhe besim për të vepruar me përgjegjësi në çdo situatë.