Si të ndërtojmë një karrierë në sektorin e Postë-Telekomunikacionit?

Si të ndërtojmë një karrierë në sektorin e Postë-Telekomunikacionit? - Barleti University

Si të ndërtojmë një karrierë në sektorin e Postë-Telekomunikacionit?

2026-04-30

Ndërtimi i një karriere kërkon më shumë sesa njohuri teorike kërkon kuptim të tregut, orientim të saktë dhe kontakte me aktorët e industrisë. Në këtë kuadër, Klubi i Karrierës, nën drejtimin e Erion Muça, organizoi një leksion të hapur të fokusuar në mundësitë e punësimit në sektorin e postë-telekomunikacionit dhe rolin e sindikatave.

I ftuar në këtë aktivitet ishte Renato Muçaj, i cili ndau përvojën e tij profesionale dhe ofroi një panoramë të drejtpërdrejtë mbi funksionimin e sektorit, sfidat që e karakterizojnë dhe dinamikat e tregut të punës.

Diskutimi u përqendrua në disa dimensione kyçe: rolin e sindikatave në mbrojtjen dhe përfaqësimin e punonjësve, sfidat strukturore të sektorit dhe mënyrat për t’i adresuar ato, si dhe strategjitë praktike për kërkimin dhe sigurimin e një vendi pune. Studentët patën mundësinë të ndërveprojnë drejtpërdrejt me të ftuarin, duke marrë këshilla konkrete mbi ndërtimin dhe promovimin e profilit të tyre profesional.

Ky aktivitet shërbeu si një pikë orientimi për studentët, duke i afruar ata me realitetin e tregut të punës dhe duke i ndihmuar të ndërtojnë zgjedhje më të informuara në rrugëtimin e tyre drejt karrierës.