English
Shqip
Universiteti Barleti pjesë e forumeve globale për zhvillimin e qëndrueshëm
Universiteti Barleti ishte pjesë në një seri aktivitetesh të rëndësishme ndërkombëtare, të zhvilluara më 7–10 prill 2026 në Vienna International Center, Austri, ku u përfaqësua nga pedagogia Silvana Delia. Ndër to përfshiheshin “ECA Coordination Meeting”, “UNIDO Sustainable Cooling Forum 2026 – Rising to the Challenge” dhe “Global Green Industrialization Dialogue” (GGID).
Këto forume bashkuan aktorë kyç nga politika, biznesi, akademia dhe shoqëria civile, duke krijuar një platformë dinamike për shkëmbimin e ideve dhe ndërtimin e zgjidhjeve inovative në fushën e qëndrueshmërisë dhe industrializimit të gjelbër.
Diskutimet u fokusuan në forcimin e politikave industriale, zhvillimin e kapaciteteve dhe përshpejtimin e arritjes së objektivave të zhvillimit të qëndrueshëm, duke synuar rritjen e bashkëpunimit dhe ndikimit në nivel global.
Në veçanti, “Global Green Industrialization Dialogue” theksoi rolin e bashkëpunimit ndërkombëtar në hartimin e politikave që gjenerojnë përfitime të prekshme ekonomike, sociale dhe mjedisore. Këto nisma kontribuojnë në fuqizimin e individëve, mobilizimin e investimeve, përshpejtimin e inovacionit dhe transferimin e teknologjisë, si dhe në forcimin e zinxhirëve të furnizimit të teknologjive të pastra.
Një nga mesazhet kryesore të këtyre aktiviteteve ishte lidhja e ngushtë midis zhvillimit të qëndrueshëm dhe mirëqenies. U theksua se politikat e qëndrueshme dhe inovacioni teknologjik ndikojnë drejtpërdrejt në cilësinë e jetës, duke ndërtuar komunitete më të shëndetshme, më gjithëpërfshirëse dhe më rezistente.
Pjesëmarrja në këto forume përforcon angazhimin e Universitetit Barleti për një zhvillim akademik inovativ dhe gjithëpërfshirës, ku mirëqenia mbetet një shtyllë thelbësore. Njëkohësisht, ajo konsolidon pozicionin e universitetit si një aktor aktiv në arenën ndërkombëtare, në promovimin e nismave që lidhin mirëqenien me zhvillimin e qëndrueshëm dhe të gjelbër.
Foto Galeri
Lajmet e fundit
-
Vizitë studimore ndërkombëtare në Universitetin Barleti
14 Prill 2026 -
-
-
-
-
Një eksperiencë interaktive në Universitetin Barleti
03 Prill 2026 -
-
