Dita e dhurimit të gjakut për fëmijët Talasemik - Barleti University
Dita e dhurimit të gjakut për fëmijët Talasemik



Në vendin tonë janë 600 fëmijë talasemikë, të cilët çdo dy javë duan një flakon gjaku për të jetuar normal. Universiteti “Barleti” në bashkëpunim me Kryqin e Kuq ditën e enjte, datë 21.04.2022  organizon një ditë për dhurimin e gjakut për fëmijët Talasemik..

Personat që kanë kaluar Covid-19, 28 ditë nga negativizimi mund të dhurojnë gjak!
Nisur nga situata e pandemisë në vend dhe masat e institucioneve shëndetësore, protokolli i dhurimit të gjakut është përshtatur duke respektuar distancën 1.5 m mes krevateve të dhuruesve si edhe pajisjen e stafit dhe dhuruesve me maska mbrojtëse.

Dhuron Gjak:
-Çdo person i moshës 18 - 60 vjeç dhe që nuk vuan nga asnjë sëmundje kronike, mund të jetë dhurues vullnetar i gjakut.
-Çdo person që do të dhurojë gjak duhet të ketë ngrënë 1-2 orë përpara dhurimit.

Ne në trupin tonë kemi 5-6 litra gjak.
Dhuruesit do t'i ushtrohen një analize paraprake nga mjekët e Qendrës Kombëtare të Transfuzionit të Gjakut si:

1.Matja e temperatures (e detyrueshme për të respektuar protokollet shëndetësore në kuadër të pandemisë)
2.Hemoglobina (anemia)
3.Tensioni
4.Plotësimi i një pyetsori mbi historinë e shëndetit.

Nëse do dalin mirë këto analiza, atëherë do të dhurohet gjak 300-400 ml. Kjo sasi zëvendësohet brenda 24 orëve si lëng, ndërsa rruazat e kuqe formohen brenda 7 ditëve. Japim apo nuk japim gjak, në trupin tonë shkatërimi dhe rindërtimi i rruazave të kuqe ndodh çdo katër muaj. Pra, dhurimi i gjakut përshpejton rigjenerimin e shëndetit dhe palca bëhet më aktive për të prodhuar rruaza të kuqe të fuqishme.

Përjashtohen nga dhurimi i gjakut:
-Personat që mjekohen me antibiotik,
-Nënat që ushqejnë femijë me gji.
-Ata që kanë bërë një operacion e nuk kanë mbushur 6 muaj nga operacioni.
-Ata që nuk kanë kaluar 3 muaj nga bërja e një tatuazhi.

Përfitimi i dhuruesit:
Një shëndet më të mirë dhe analizat si më poshtë:
-Grup gjaku.
-Hepatitet A, B, C
-Transaminazat e mëlçisë
-Sëmundjet seksualisht të trasmetueshme HIV, Sifilis,Gonore.
-Kolesterol
-Ferritinë
-Proteina totale.

Arkiva sipas:

Lajmet e fundit

SUBSCRIBE TO THE NEWSLETTER
Quick links: Privacy policies | State Matura | E-Albania portal | Ministry of Education and Sports | U-Albania portal
© Copyright 2026 - Barleti University - Tirana. All rights reserved.