English
Shqip
Debati akademik "Europa dhe ne"
Fakulteti i Ekonomisë, Qeverisjes dhe Drejtësisë në Universitetin “Barleti”, me iniciativën e Dekanes së Fakultetit Prof. Assoc. Dr. Zamira Çavo, organizoi takimin e parë të Ciklit të Debateve Akademike “Europa dhe Ne”.
Referuesja kryesore e këtij takimi të parë, pedagogia e Departamentit të Drejtësisë, Dr. Jonida Begaj, solli një analizë të detajuar të Impaktit të Asociimit në Anëtarësimin në BE bazuar në faktorët politik, historik të kohës si dhe veçoritë e shteteve që kanë përshkruar më parë rrugëtimin që po përshkruan aktualisht Shqipëria drejt BE-së duke paraqitur një kuadër bazë krahasimor mbi të cilin u ngrit ky debat i parë akademik.
Debati u zhvillua në një këndvështrimi kritik duke ngritur për diskutim çështje si:
• A siguron asociimi anëtarësim, a është anëtarësimi një e drejtë që duhet kërkuar?
• A është hapja e negociatave një hap i sigurt drejt anëtarësimit? A është anëtarësimi procedurë apo vullnet politik?
• Sa e ka kapacitetin negociues Shqipëria për tu bërë anëtare e BE-së duke ruajtur interesin kombëtar?
• A duhet të anëtarësohet Shqipëria në BE në kushtet aktuale?
Në këtë debat pedagogët e Universitetit “Barleti” diskutuan rreth eksperiencës së anëtarësimit të vendeve të ndryshme që përbënin modele të mira krahasimore për rastin e Shqipërisë.
Dr. Elona Bano përcolli një analizë të detajuar të situatës aktuale të kapaciteteve të administratës shqiptare negociatore me BE-në duke evidentuar arritjet dhe nevojat e saj për tu bërë më efektive. Dr. Bano vlerësoi gjithashtu impaktin jo efektiv të reformës në drejtësi në procesin e integrimit të Shqipërisë në BE. Ndërsa Dr. Ismail Tafani solli shembuj të argumentave që mund të përdoren nga ana e Shqipërisë për të përforcuar kapacitetin negociues me BE-në.
Kështu Universiteti “Barleti” nisi me sukses ciklin e Debateve Akademike “Europa dhe ne” i cili do të pasohet nga takime të tjera periodike, ku synohet të zhvillohet edhe më tej debati në nivel akademik jo vetëm brenda UniBa por edhe më gjerë.
Foto Galeri
Lajmet e fundit
-
-
-
-
-
-
Studentët e Arkitekturës prezantojnë temat e diplomës
03 Korrik 2026 -
-
Studentët e Turizmit prezantojnë temat e diplomës
03 Korrik 2026
