Gjyqi simulues sipas Gjykatës Evropiane të Drejtave të Njeriut

Gjyqi simulues sipas Gjykatës Evropiane të Drejtave të Njeriut - Barleti University

Gjyqi simulues sipas Gjykatës Evropiane të Drejtave të Njeriut

2018-06-21

Në vijim të veprimtarive mësimore të lidhura ngushtësisht edhe me ato praktike, në kuadrin e lëndës “Të Drejtat e Njeriut”, në “Universiteti Barleti”, u organizua një gjyq imitues me objekt lidhur me të drejtat e njeriut, sipas procedurës së ndjekur nga Gjykata Evropiane për të Drejtat e Njeriut, në Strasburg. Gjyqi u organizua nga Departamenti i Drejtësisë me pjesëmarrjen e studentëve të vitit të dytë dega Drejtësi, nën mbikëqyrjen dhe vlerësimin e pedagogëve të Departamentit.
Studentët ishin të ndarë në dy grupe dhe njëri grup përfaqësonte palën kërkuese, ndërsa grupi tjetër përfaqësonte shtetin përkatës. Studentët ishin motivuar dhe përgatitur me argumentet përkatëse sipas Konventës për të Drejtat dhe Liritë Themelore të Njeriut, duke bërë një paraqitje dinjitoze, si nga pikëpamja e përmbajtjes ashtu edhe nga ajo formale.
Aktiviteti u ndoq me interes nga studentët dhe pedagogët, si dhe u transmetua në kohë reale në rrjetet sociale.