Pozicioni Gjerman mbi integrimin në BE të Shqipërisë dhe Ballkanit Perëdimor

Pozicioni Gjerman mbi integrimin në BE të Shqipërisë dhe Ballkanit Perëdimor - Barleti University

Pozicioni Gjerman mbi integrimin në BE të Shqipërisë dhe Ballkanit Perëdimor

2018-02-01

Në kuadër të iniciativës Auditori i Hapur, më datë 30 Janar 2018 u mbajt takimi i rradhës me temë “Pozicioni Gjerman mbi integrimin në BE të Shqipërisë dhe Ballkanit Perëdimor”

Në këtë Auditorium lektore e ftuar ishte Sh.S. Znj. Susanne Schütz, Ambasadore e Republikës Federale të Gjermanisë në vendin tonë e cila solli fillimisht në vëmendje të të pranishmëve pikat kryesore të procesit të integrimit të vendeve të Ballkanit Perëndimor në Bashkimin Evropian, duke filluar nga Samiti i Selanikut i vitit 2003 deri në ditët e sotme me procesin e Berlinit. Ambasadorja Schütz u fokusua në veçantitë e procesit të integrimit të vendit tonë, sidomos për sa i përket përmbushjes së 5 prioriteteve kyçe: reforma në drejtësi; reforma e administratës publike; lufta ndaj korrupsionit; lufta ndaj krimit të organizuar dhe respektimi i të drejtave të njeriut. Znj. Schütz u shpjegoi gjithashtu pjesëmarrësve nismat specifike të vendit të saj në kuadër të integrimit evropian, si procesi i Berlinit dhe iniciativat e tjera rajonale.

Gjithashtu, në përgjigje të pyetjeve të studentëve lidhur me problemin e azilkërkuesve shqiptarë, ambasadorja Schütz shprehu qartë pozicionin e vendit të saj lidhur me këtë çështje: Shqipëria është një vend demokratik dhe i sigurt, dhe për këtë arsye nuk ka kurrëfarë shansi që qytetarët shqiptarë të mund të përfitojnë azil në Gjermani. Ambasadorja diskutoi me studentët edhe për pozicionin e vendit të saj lidhur me hapjen e negociatave me BE-në me shpresën që vendi ynë të marrë dritën jeshile nga vendet anëtare, por duke theksuar rëndësinë e përmbushjes së të gjitha kushteve në këtë proces.

Auditori i Hapur ju mirëpret të martën tjetër në po të njëjtën orë dhe sallë për të diskutuar rreth temës së rradhës!