• 2026-09-02

Pozicioni: Lektor në Departamentin e Industrive Kreative
Profili: Staf Akademik në fushat Histori Arti, Gjuhë Pamore, Histori Dizajni, ose fusha të tjera të formimit artistik, teorik dhe krijues (Arkitekturë, Dizajn, Arte Pamore, Estetikë, etj.)
Tipologjia: Me kohë të plotë
Afati i aplikimit: 18.09.2026

Kriteret kryesore për të aplikuar për pozicionin janë si më poshtë:

• Të ketë përfunduar studimet universitare në një fushë të përshtatshme, si Histori Arti, Histori Kulture, Arkeologji, Arkitekturë, Dizajn (Interieri, Industrial, Grafik, Produkti), Arte Pamore/Vizuale, Estetikë, ose fushë tjetër të ngjashme e lidhur me formimin artistik e teorik.
• Të zotërojë gradën shkencore “Doktor i Shkencave” (PhD) në një nga fushat e sipërpërmendura ose fushë tjetër të përafërt.
• Për kandidatët që aplikojnë me titull akademik, përbën kriter të përshtatshëm të kualifikimit zotërimi i titullit Profesor i Asociuar ose Profesor Doktor, në përputhje me legjislacionin dhe aktet rregullatore në fuqi.
• Të ketë eksperiencë në mësimdhënie universitare dhe/ose në kërkim shkencor në fushat e Historisë së Artit, Gjuhës Pamore, Historisë së Dizajnit, Arkitekturës, ose fushave të ngjashme.
• Të ketë aftësi për të zhvilluar dhe përditësuar lëndë universitare në përputhje me zhvillimet bashkëkohore të disiplinës.
• Të ketë aftësi të mira komunikimi, prezantimi dhe bashkëpunimi akademik.
• Të jetë i/e gatshëm/e të angazhohet edhe në detyra administrative të departamentit (përgatitje aplikimesh për programe të reja, promovim institucional, projekte të departamentit).
• Të plotësojë çdo kriter tjetër të përcaktuar nga legjislacioni shqiptar për arsimin e lartë dhe nga rregulloret e brendshme të Universitetit.

Përparësi do të kenë kandidatët të cilët:

• Të ketë kryer një ose më shumë nivele të studimeve universitare ose pasuniversitare në gjuhën angleze, në veçanti Bachelor, Master dhe/ose Doktoraturë.
• Të ketë përvojë akademike në universitete të huaja ose institucione ndërkombëtare.
• Të ketë njohuri shumë të mira të gjuhës angleze, veçanërisht në përdorimin akademik dhe profesional.
• Të ketë publikime shkencore në revista kombëtare dhe/ose ndërkombëtare të indeksuara.
• Të ketë pjesëmarrje në konferenca shkencore kombëtare dhe ndërkombëtare.
• Të ketë eksperiencë në projekte kërkimore kombëtare ose ndërkombëtare.
• Të ketë formim ose interes ndërdisiplinor, që lidh historinë e artit/dizajnit me praktikën bashkëkohore krijuese (arkitekturë, dizajn, arte vizuale).

Aplikimi

Kandidatët duhet të dërgojnë në format elektronik dokumentacionin e mëposhtëm:

• Kërkesë me shkrim.
• CV (Curriculum Vitae) përfshirë listën e botimeve shkencore dhe referimeve në konferenca shkencore brenda ose jashtë vendit.
• Kopje të diplomave universitare.
• Kopje të dokumentit që vërteton gradën shkencore Doktor i Shkencave (PhD) dhe/ose titullin akademik Profesor i Asociuar/Profesor Doktor, sipas rastit.

(*) Dokumentet e paraqitura në gjuhë të huaj duhet të shoqërohen me përkthimin përkatës.

(**) Për diplomat e marra në universitetet e huaja, duhet të dorëzohet fotokopje e noterizuar e certifikatës së njohjes nga organi kompetent (MA), ose vërtetim që janë në proces njohje.

Aplikimet duhet të dorëzohen me e-mail në: [email protected]