• 2026-08-28

Pozicioni: Lektor në Departamentin e Ekonomisë, Sipërmarrjes dhe Financës
Profili: Staf Akademik në fushat Financë, Kontabilitet dhe FinTech
Tipologjia: Me kohë të plotë
Afati i aplikimit: 10.09.2026

Kriteret kryesore për të aplikuar për pozicionin janë si më poshtë:

• Të ketë përfunduar studimet universitare në një fushë të përshtatshme, si Ekonomi, Financë, Kontabilitet, Administrim Biznesi me profil financiar, FinTech, ose fushë të ngjashme.
• Të zotërojë gradën shkencore “Doktor i Shkencave” (PhD) në një fushë të përshtatshme për pozicionin.
• Për kandidatët që aplikojnë me titull akademik, përbën kriter të përshtatshëm të kualifikimit zotërimi i titullit Profesor i Asociuar ose Profesor Doktor, në përputhje me legjislacionin dhe aktet rregullatore në fuqi.
• Të ketë eksperiencë në mësimdhënie universitare dhe/ose në kërkim shkencor në një ose më shumë nga fushat objekt të këtij pozicioni.
• Të ketë aftësi për të zhvilluar dhe përditësuar lëndë universitare në përputhje me zhvillimet bashkëkohore të disiplinës.
• Të ketë aftësi të mira komunikimi, prezantimi dhe bashkëpunimi akademik.
• Të plotësojë çdo kriter tjetër të përcaktuar nga legjislacioni shqiptar për arsimin e lartë dhe nga rregulloret e brendshme të Universitetit.

Përparësi do të kenë kandidatët të cilët:

• Kanë kryer një ose më shumë nivele të studimeve universitare ose pasuniversitare në gjuhën angleze, në veçanti Bachelor, Master dhe/ose Doktoraturë.
• Kanë përvojë akademike në universitete të huaja ose institucione ndërkombëtare.
• Kanë njohuri shumë të mira të gjuhës angleze, veçanërisht në përdorimin akademik dhe profesional.
• Kanë publikime shkencore në revista kombëtare dhe/ose ndërkombëtare të indeksuara.
• Kanë pjesëmarrje në konferenca shkencore kombëtare dhe ndërkombëtare.
• Kanë eksperiencë në projekte kërkimore kombëtare ose ndërkombëtare.

Aplikimi

Kandidatët duhet të dërgojnë në format elektronik dokumentacionin e mëposhtëm:

• Kërkesë me shkrim.
• CV (Curriculum Vitae), përfshirë listën e botimeve shkencore dhe referimeve në konferenca shkencore brenda ose jashtë vendit.
• Kopje të diplomave universitare.
• Kopje të dokumentit që vërteton gradën shkencore Doktor i Shkencave (PhD) dhe/ose titullin akademik Profesor i Asociuar/Profesor Doktor, sipas rastit.

(*) Dokumentet e paraqitura në gjuhë të huaj duhet të shoqërohen me përkthimin përkatës.

(**) Për diplomat e marra në universitetet e huaja, duhet të dorëzohet fotokopje e noterizuar e certifikatës së njohjes nga organi kompetent (MASR), ose vërtetim që janë në proces njohje.

Aplikimet duhet të dorëzohen me e-mail në: [email protected]