Vizitë studimore në Bashkinë e Tiranës

Vizitë studimore në Bashkinë e Tiranës - Barleti University

Vizitë studimore në Bashkinë e Tiranës

2016-04-15

Në kuadrin e aktiviteteve kurrikulare të organizuara nga Departamenti i Shkencave

Politike në “Universiteti Barleti” është bërë tashmë traditë organizimi dhe

pjesëmarrja në vizita studimore, pranë institucioneve publike dhe jopublike, qëndrore dhe

vendore.

Synimi kryesor i këtyre vizitave konsiston në njohjen e drejtpërdrejtë të institucioneve,

politikave të tyre dhe aktorëve kryesorë që operojnë në ta, duke u mundësuar studentëve të

programit Shkenca Politike një konkretizim të realitetit politik të studiuar në auditorët e

universitetit.

Nën këtë nismë Departamenti i Shkencave Politike, organizoi në datë 13 prill 2016

vizitën e rradhës në Bashkinë e Tiranës, me studentët e të treja viteve akademike. Fillimisht ata u

pritën nga përfaqësuesja e Drejtorisë së Rinisë në këtë bashki, Znj. Aspasjana Kërxhalli dhe më

pas vijoi me një bisedë me Kryetarin e Bashkisë, Z. Erion Veliaj.

Ai ndër të tjera u shpreh se ishte i nderuar të realizojë këtë takim me studentët e

shkencave politike dhe akoma më i nderuar t’i shërbejë qytetit të Tiranës, sepse shumë shërbime

publike zgjasin për gjithë jetën. Shpesh, gjatë këtyre muajve është gjendur edhe në situatën e

zgjidhjes së konflikteve, megjithatë gjithmonë ka menduar për të mirën publike, edhe pse

ndonjëherë i është dashur të ndryshojë kulturën jo të shëndetshme të qytetit. Roli i Bashkisë së

Tiranës, por dhe i çdo bashkie është të kujdeset për asetin e saj prioritar që është njeriu dhe për

këtë ai është zotuar që ditën që ka marrë detyrën.

Më pas, i ftoi studentët e vitit të tretë që të shikojnë si mundësi kryerjen e praktikës në

Bashkinë e Tiranës ose në çdo drejtori tjetër të shërbimeve publike që varen prej saj.

Drejtoresha e Rinisë më tej, vijoi me prezantimet e projekteve të Bashkisë për rininë duke

u ndalur në prezantimin e Bordit Këshillimor Rinor, i cili është krijuar dhe do të funksionojë si

një strukturë këshilluese nga të rinjtë për të rinjtë pranë Këshillit Bashkiak Tiranë dhe do të ketë

për qëllim rritjen e përfaqësimit të të rinjve të Tiranës në nivel lokal në të gjitha fazat e

vendimmarrjes e hartimit të politikave për të rinjtë.

Study-tour përfundoi me një njohje të ambienteve të brendshme dhe zyrave të bashkisë.