Mësimi përtej auditorit: Eksplorime në natyrë

Mësimi përtej auditorit: Eksplorime në natyrë - Barleti University

Mësimi përtej auditorit: Eksplorime në natyrë

2025-05-08

Një përvojë mësimore praktike me studentët e Turizmit dhe Farmacisë, viti II

Studentët morën pjesë në një aktivitet jashtë auditorit, që u mundësoi të lidhin njohuritë teorike me realitetin në terren dhe të zhvillojnë aftësi praktike të lidhura ngushtë me profilin e tyre profesional.

Kopshti Botanik – për studentët e Farmacisë

Ndalesa e parë ishte në Kopshtin Botanik, ku studentët e Farmacisë patën mundësinë të njihen nga afër me speciet bimore me vlera mjekësore, përdorimin e tyre në mjekësinë tradicionale dhe atë shkencore, si dhe rëndësinë e ruajtjes së biodiversitetit. Një përvojë e vlefshme për të kuptuar se si natyra mbetet një burim thelbësor për farmacinë dhe shëndetin njerëzor.

Turizëm urban në Tiranë – për studentët e Turizmit

Studentët e Turizmit vijuan me një itinerar eksplorues në disa prej atraksioneve kryesore të Tiranës, duke analizuar komponentët e turizmit urban: nga monumentet historike dhe objektet kulturore, deri te hapësirat natyrore brenda qytetit. U diskutua për rëndësinë e turizmit të qëndrueshëm, integrimin e atraksioneve natyrore në guidat turistike dhe përvojën e vizitorit si një element kyç i suksesit në këtë sektor.