Turizmi në sytë e të rinjve – Një ditë eksplorimi dhe përvoje në Universitetin Barleti

Turizmi në sytë e të rinjve – Një ditë eksplorimi dhe përvoje në Universitetin Barleti - Barleti University

Turizmi në sytë e të rinjve – Një ditë eksplorimi dhe përvoje në Universitetin Barleti

2025-04-30

Më 29 prill, në ambientet e Universitetit Barleti, u zhvillua me sukses eventi “Open Day”, i organizuar nga Departamenti i Turizmit, Mikpritjes dhe Rekreacionit. Ky aktivitet iu dedikua maturantëve të interesuar për të ndjekur studimet e larta në fushën e turizmit dhe sporteve.

Gjatë ditës u organizuan një sërë sesionesh praktike dhe informuese, që përfshinë:
• Drink & Food – prezantim praktik mbi shërbimin dhe mikpritjen
• Turizmi i Aventurës
• Guida Turistike
• Organizimi dhe Menaxhimi i Eventeve
• Bashkëbisedime mes alumni-ve, studentëve dhe maturantëve

Pjesëmarrja e të ftuarve specialë e pasuroi më tej këtë ditë të veçantë, ndër ta:
• Përfaqësues nga Hotel Adriatik
• Alumni të Universitetit Barleti, të angazhuar aktualisht në industrinë e turizmit
• Ols Lafe, arkeolog dhe guidë e licensuar kombëtare
• Ekspertë të guidave turistike dhe aktiviteteve natyrore si hiking dhe eksplorimi i shpellave
• Ored Gjoni, student i programit të Sporteve, i cili bashkë me ekipin e tij realizoi një simulim të sportit të alpinizmit në ambientet e universitetit

Aktiviteti solli një atmosferë dinamike dhe motivuese për të gjithë pjesëmarrësit, duke ofruar një pamje konkrete të mundësive që ofron Universiteti Barleti në fushën e turizmit dhe sporteve.

Faleminderit të gjithë pjesëmarrësve për angazhimin dhe entuziazmin!