English
Shqip
Studentët e Departamentit të Drejtësisë në një vizitë zyrtare në Kuvendin e Shqipërisë
Pjesëmarrje në prezantimin e platformës së re për konsultim publik – një hap drejt fuqizimit të transparencës parlamentare
Në kuadër të angazhimit të vazhdueshëm të Universitetit Barleti për të afruar studentët me institucionet shtetërore dhe proceset demokratike, studentët e Departamentit të Drejtësisë zhvilluan një vizitë zyrtare në ambientet e Kuvendit të Shqipërisë.
Vizita u realizua me ftesë të Kryetares së Kuvendit dhe kishte në fokus prezantimin e platformës së re për konsultimin publik – një nismë që synon të forcojë transparencën parlamentare dhe të rrisë përfshirjen e qytetarëve dhe të shoqërisë civile në proceset vendimmarrëse.
Gjatë këtij aktiviteti, studentët patën mundësinë të njihen nga afër me funksionimin e platformës, risitë që ajo sjell dhe ndikimin konkret që ajo ka në përfshirjen e publikut në hartimin e ligjeve dhe vendimeve të rëndësishme. Përfaqësuesit e Kuvendit theksuan rëndësinë e këtij mekanizmi si një mjet bashkëpunimi mes qytetarëve dhe institucioneve, duke nënvizuar se çdo zë i shoqërisë ka vlerë në ndërtimin e një qeverisjeje më të hapur dhe më të përgjegjshme.
Ky takim përbën një shembull konkret të angazhimit të UniBa për të ofruar një formim praktik, ndërveprues dhe të orientuar drejt pjesëmarrjes aktive të studentëve në jetën institucionale të vendit.
Universiteti Barleti do të vijojë të organizojë aktivitete të ngjashme, me qëllim zgjerimin e përvojës akademike dhe profesionale të studentëve të tij në fushën e drejtësisë dhe më gjerë.
Foto Galeri
Lajmet e fundit
-
Një ditë si fizioterapist
15 Maj 2026 -
-
-
Dita e Dytë e Barleti Scientific Forum XXI
12 Maj 2026 -
-
-
-
