Hapa të rëndësishëm drejt bashkëpunimit me EIT Health për zhvillimin e inovacionit dhe teknologjisë në shëndetësi - Barleti University
Hapa të rëndësishëm drejt bashkëpunimit me EIT Health për zhvillimin e inovacionit dhe teknologjisë në shëndetësi


Anëtarët kryesorë të organizatës EIT Health (European Institute of Innovation and Technology – Instituti Evropian i Inovacionit dhe Teknologjisë), Zsolt Bubori, Innostars Ecosystem Lead for Hungary (Udhëheqës i Ekosistemit Innostars për Hungarinë) i EIT Health Innostars, dhe Bence Horvath, CEO of Spicy Analytics (Drejtor Ekzekutiv i Spicy Analytics), Lumni Anxhanela (Pharmacist) zhvilluan një takim frytdhënës me drejtuesit e Universitetit Barleti: Prof. Dr. Suzana Guxholli, Rektore e Barletit; Prof. Dr. Aleksandër Xhuvani, Drejtor i Institutit BIRD (Barleti Institute for Research and Development – Instituti Barleti për Kërkim dhe Zhvillim); Dr. Kejda Nuhu, Drejtoreshë e BRIDGE (Barleti Research and Innovation for Development Group – Grupi i Kërkimit dhe Inovacionit për Zhvillim Barleti); dhe MSc. Michele Biring-Pani, Drejtor i Zhvillimit të Biznesit të "Barleti Medical Group".

EIT Health është një organizatë evropiane që funksionon si rrjet i komunitetit të njohurive dhe inovacionit. Ajo përfshin rreth 120 organizata anëtare dhe ka si synim të bashkojë mendjet më të ndritura nga biznesi, kërkimi, edukimi dhe shëndetësia, për t’iu përgjigjur sfidave të sotme.

Gjatë takimit, u diskutuan dhe u eksploruan mundësitë për zgjerimin dhe rritjen e kapaciteteve të Grupit Barleti, si dhe përfshirja dhe kontributi i tij si bashkëpunëtor apo anëtar i rrjetit EIT në fushat e mëposhtme: Open Innovation and Digital Transformation (Inovacion i Hapur dhe Transformim Digjital): Akses në financim dhe teknologji të avancuara që mund të integrohen në komunitetin lokal.

Living Lab (Laborator i Gjallë): Mbështetje për inovacionin dhe sipërmarrjen. Knowledge and Technology Transfer (Transferimi i Njohurive dhe Teknologjisë): Përmirësim i aftësive profesionale, testim dhe prototipim. Startup: Incubation and Acceleration (Nisma Startup: Inkubim dhe Përshpejtim): Komercializimi i produkteve dhe shërbimeve të reja. Networking and Clustering (Rrjetëzim dhe Grumbullim): Rritje e vizibilitetit dhe njohjes brenda komunitetit evropian të shëndetësisë.

Public Awareness and Promotion (Ndërgjegjësim dhe Promovim Publik): Promovimi i shëndetit më të mirë përmes fushatave ndërgjegjësuese në njësitë tregtare të Barletit. Project Cycle Management (Menaxhimi i Ciklit të Projekteve): Mundësi bashkëpunimi në projekte shëndetësore. Partneriteti i Barletit me EIT kontribuon në përpjekjet për të forcuar inovacionin, kërkimin dhe zhvillimin në sektorin e shëndetësisë.

Arkiva sipas:

Lajmet e fundit

SUBSCRIBE TO THE NEWSLETTER
Quick links: Privacy policies | State Matura | E-Albania portal | Ministry of Education and Sports | U-Albania portal
© Copyright 2026 - Barleti University - Tirana. All rights reserved.