Studentët e Arkitekturës vizitojnë Kantierin e Ndërtimit ABA Residence në Farkë

Studentët e Arkitekturës vizitojnë Kantierin e Ndërtimit ABA Residence në Farkë - Barleti University

Studentët e Arkitekturës vizitojnë Kantierin e Ndërtimit ABA Residence në Farkë

2024-11-20

Studentët e viteve të para dhe të dyta të programit të Arkitekturës në Universitetin Barleti, të shoqëruar nga pedagogët e tyre, Prof. Assoc. Dr. Etleva Dobjani, Prof. Assoc. Dr. Vera Bushati, MSc. Ajda Carcani dhe MSc. Iris Nela, zhvilluan një vizitë studimore në kantierin e ndërtimit të kompleksit modern ABA Residence në Farkë.

Gjatë vizitës, studentët patën mundësinë të përjetojnë nga afër fazat e ndërtimit dhe të eksplorojnë proceset e projektimit dhe realizimit të një kompleksi rezidencial. Udhëhequr nga arkitektët dhe inxhinierët e studios prestigjioze Kontakt, ata u njohën me tipologjitë e vilave të ndërtuara, materialet inovative dhe teknologjitë bashkëkohore që po përdoren në këtë projekt.

Ky aktivitet praktik ishte një mundësi unike për studentët që të lidhin njohuritë teorike të fituara në auditore me realitetin e procesit ndërtimor në terren. Përmes këtij përjetimi, ata mund të vlerësojnë rëndësinë e një qasjeje profesionale dhe të integruar në fushën e Arkitekturës dhe Ndërtimit.

Universiteti Barleti vazhdon të ofrojë aktivitete praktike dhe vizita studimore për të siguruar një përvojë të plotë dhe të pasur për studentët e tij, duke i përgatitur ata për sfidat e tregut të punës.