English
Shqip
Vizita Studimore e Studentëve të Arkitekturës në Destil Creative HUB
Studentët e vitit të tretë të Arkitekturës, në kuadër të lëndës 'Laboratori i Projektimit Arkitektonik 4' nën udhëheqjen e PhD Gerdi Papa, zhvilluan sot një vizitë studimore për t'u njohur me hapësirën që do të trajtojnë gjatë këtij semestri. Kjo vizitë kishte për qëllim të ofronte një njohje të parë me terrenin dhe sfidat që studentët do të përballen gjatë zhvillimit të projekteve të tyre arkitektonike. Vizita ishte gjithashtu një mundësi për të diskutuar me pedagogët mbi aspektet praktike të projektimit dhe realizimit të ideve në terren.
Pas përfundimit të vizitës së terrenit, grupi i studentëve dhe profesorët u drejtuan për në Destil Creative HUB, ku patën mundësinë të vizitonin ekspozitën 'Living Bridges', kuruar nga artistja Valentina Bonizzi. Kjo ekspozitë përmban një përzgjedhje të punimeve që ndërthurin artin dhe arkitekturën, duke i nxitur studentët të mendojnë në mënyrë kreative për qasjen e tyre ndaj projekteve të ardhshme. Studentët shfaqën interes të madh për lidhjet mes artit dhe hapësirës, duke bërë pyetje dhe duke shkëmbyer mendime me kuratoren dhe stafin e qendrës.
Kjo vizitë jo vetëm që i ndihmoi studentët të krijojnë një kuptim më të thellë mbi hapësirën e trajtuar, por edhe të kuptojnë rëndësinë e bashkëveprimit mes arkitekturës dhe komunitetit. Përvoja në Destil Creative HUB përforcoi idenë se arkitektura është një formë arti që komunikon dhe lidh njerëzit me mjedisin përreth tyre.
Suksese studentëve gjatë këtij semestri, duke i uruar shumë frymëzim dhe punë të mbarë në projektet e tyre të reja!
Foto Galeri
Lajmet e fundit
-
Festa e Ditës së Verës në Universitetin Barleti
13 Mars 2026 -
-
-
-
-
-
-
