Dhurim vullnetar i gjakut për fëmijët talasemik

Dhurim vullnetar i gjakut për fëmijët talasemik - Barleti University

Dhurim vullnetar i gjakut për fëmijët talasemik

2023-03-15

Në vendin tonë janë 600 fëmijë talasemikë, të cilët çdo dy javë duan një flakon gjaku për të jetuar normal.

Fëmijët talasemikë janë target grupi më vunerabël ndaj Klubi i Mjekësisë në bashkëpunim me Fakultetin e Shkencave Mjekësore organizon aktivitetin "Dhurim vullnetar i gjakut për fëmijët talasemik". Qëndra Kombëtare e Transfuzionit të Gjakut ditën e enjte, datë 16.03.2023 ora 09:00 - 14:00, do jetë e pozicinuar në Hollin e Universitetit "Barleti" për të gjithë ju që keni dëshirë dhe mundësi të dhuroni gjak.

Dhuron Gjak:
- Çdo person i moshës 18 - 60 vjeç dhe që nuk vuan nga asnjë sëmundje kronike, mund të jetë dhurues vullnetar i gjakut.
- Çdo person që do të dhurojë gjak duhet të ketë ngrënë 1-2 orë përpara dhurimit.

Ne në trupin tonë kemi 5-6 litra gjak.

Dhuruesit do t'i ushtrohen një analize paraprake nga mjekët e Qendrës Kombëtare të Transfuzionit të Gjakut si:

1. Matja e temperaturës
2. Hemoglobina (anemia)
3. Tensioni
4. Plotësimi i një pyetsori mbi historinë e shëndetit.

Nëse do dalin mirë këto analiza atëherë do të dhurohet gjak 300-400 ml. Kjo sasi zëvendësohet brenda 24 orëve si lëng,ndërsa rruazat e kuqe formohen brenda 7 ditëve.

Japim apo nuk japim gjak, në trupin tonë shkatërimi dhe rindërtimi i rruazave të kuqe ndodh çdo katër muaj. Pra dhurimi i gjakut përshpejton rigjenerimin e shëndetit dhe palca bëhet më aktive për të prodhuar rruaza të kuqe të fuqishme.

Përjashtohen nga dhurimi i gjakut:

- Personat që mjekohen me antibiotik
- Nënat që ushqejnë femijë me gji
- Ata që kanë bërë një operacion e nuk kanë mbushur 6 muaj nga operacioni
- Ata që nuk kanë kaluar 3 muaj nga bërja e një tatuazhi

Përfitimi i dhuruesit:

-Një shëndet më të mirë dhe analizat si më poshtë:
-Grup gjaku
-Hepatitet A, B, C
-Transaminazat e mëlçisë
-Sëmundjet seksualisht të trasmetueshme HIV, Sifilis, Gonore
-Kolesterol
-Ferritinë
-Proteina totale