Një ditë me studentët

2021-02-18

Barleti Training and Testing Center (BTTC), AMH- Barleti Human Capital dhe Klubi i Karrierës organizuan aktivitetin me temë: “Një ditë me studentët" me pjesëmarrjen e 6 Drejtorëve të Përgjithshëm të Drejtorive më të rëndësishme të Bashkisë Tiranë, me fokus prezantimin e mundësive dhe shanseve për praktika, intershipe dhe punësim të studentëve të Universitetit Barleti dhe njohjen nga ana e Bashkisë Tiranë, të trajnimeve dhe certifikimeve të Barleti Training and Testing Center (BTTC).
Në këtë takim u vendos theksi tek rëndësia e përfshirjes së studentëve në praktika dhe informimi i tyre i plotë dhe profesional mbi hapat që duhet të ndjekin për një karrierë të suksesshme në Bashkinë Tiranë. Në këtë aktivitet u përcaktua edhe pikënisja e një marrëveshje bashkëpunimi midis Bashkisë Tiranë dhe Universitetit Barleti bazuar në të cilën studentët e Universitetit Barleti do të përfitojnë facilitete në realizimin e praktikave pranë Bashkisë Tiranë me mbeshtetjen e AMH-Barleti Human Capital dhe Klubit të Karrierës Barleti.