Fakulteti i Drejtësisë së Universitetit "Barleti" nënshkruan marrëveshje bashkëpunimi me Seconda Universita degli Studi di Napoli - Barleti University
Fakulteti i Drejtësisë së Universitetit "Barleti" nënshkruan marrëveshje bashkëpunimi me Seconda Universita degli Studi di Napoli
Fakulteti i Drejtësisë së Universitetit "Barleti" nënshkruan marrëveshje bashkëpunimi me Seconda Universita degli Studi di Napoli

Në kuadër të ndërkombëtarizimit të veprimtarisë së vet akademike dhe shkencore, e të rritjes së mobilitetit të studentëve e të pedagogëve, Universiteti "Barleti" ka nënshkruar së fundi një marrëveshje bashkëpunimi e shkëmbimi akademik me Seconda Universita degli Studi di Napoli.

  • Kjo marrëveshje garanton njohjen e ndërsjellë të programeve mësimore të nivelit të parë të studimeve, dhe u mundëson studentëve të Fakultetit të Drejtësisë, që kanë përfituar diplomën e nivelit të parë (Bachelor) në Drejtësi pranë UB-së, të ndjekin një pjesë të programit të studimeve të thelluara dy-vjeçare të parashikuara në kurrikulat e Masterit Shkencor të Drejtësisë së UB-së pranë Seconda Universita degli Studi di Napoli.
  • Studentët e UB-së, të cilët kanë ndjekur me sukses studimet për Drejtësi, pranë Universitetit Barleti dhe janë pajisur me një diplomë të nivelit të parë "Bachelor" nga ky Universitet, do të kenë mundësinë të ndjekin studimet e thelluara për Master të Shkencave në fushën e të Drejtës Penale dhe Kriminologjisë si dhe në fushën e të Drejtës Tregtare, në mënyrë të ndërthurur me programin e studimeve të plota pesëvjeçare për Jurisprudencë nga Seconda Universita degli Studi të Napolit. Kjo kurrikulë e ndërthurur mësimore, e cila do të zhvillohet përgjatë një cikli dy-vjeçar studimesh, respektivisht pranë të dy Universiteteve, do tNULLu mundësojë studentëve të Fakultetit të Drejtësisë të Universitetit Barleti dhe studentëve të Fakultetit të Drejtësisë të Seconda Universita degli Studi të Napolit, që të pajisen, në përfundim të tij, me një titull të dyfishtë, të lëshuar respektivisht nga të dy Universitetet.
  • Laurea Magistrale in Jursiprudenza (Diplomë e përfundimit të studimeve të plota pesëvjeçare në Drejtësi) të lëshuar nga Seconda Universita degli Studi të Napolit, dhe
  • Diplomën "Master i Shkencave" të lëshuar nga Universiteti Barleti
Kjo marrëveshje është fryt i vlerësimeve të vazhdueshme nga ana e personelit akademik të Universitetit Barleti, të cilat shpalosin nevojën dhe mundësinë e formimit të profesionistëve në fushën e ligjit, të aftë për të vepruar dhe reaguar në një ambient që kërkon njohje të ndërsjellë të kulturës juridike të këtyre dy vendeve, çka do tNULLi shërbejë studentëve të Universitetit Barleti, të luajnë një rol protagonisti në intensifikimin e marrëdhënieve ekonomike, shoqërore e kulturore ndërmjet Italisë dhe Shqipërisë.

Arkiva sipas:

Lajmet e fundit

SUBSCRIBE TO THE NEWSLETTER
Quick links: Privacy policies | State Matura | E-Albania portal | Ministry of Education and Sports | U-Albania portal
© Copyright 2026 - Barleti University - Tirana. All rights reserved.