English
Shqip
Diplomë "Bachelor": Marketing, Publicitet dhe Marrëdhënie me Publikun
Programi “Marketing, Publicitet dhe Marrëdhënie me Publikun” kombinon praktikën e marketingut dhe marrëdhënieve publike me analizën teorike të këtyre fushave. Studimet teorike janë vënë në kontekstin e çështjeve sociale, kulturore, ekonomike dhe politike. Publiciteti, marrëdhëniet me publikun dhe marketingu janë tre disiplina emocionuese, që ndryshojnë vazhdimisht për shkak të inovacionit teknologjik dhe formave të reja të komunikimit social dhe të biznesit.
Studentët në fund të studimeve do të jenë në gjendje të zgjidhin problemet konkrete, përmes zbatimit në praktikë të njohurive bazë nga burime të ndryshme akademike dhe profesionale. Programi fokusohet në fusha të ndryshme si: komunikimi, psikologjia, sjellja e konsumatorit, marrëdhëniet me publikun, përmes të cilave studentët përgatiten që të krijojnë strategji marketingu dhe realizojnë reklamimin e produkteve dhe shërbimeve.
Qëllimi i këtij programi është të formojë studentët me një edukim bashkëkohor, duke mundësuar kështu që ata të veprojnë, të eksplorojnë, të reflektojnë dhe të kontribuojnë pozitivisht në industrinë e Marketingut, Publicitetit dhe Komunikimit, përmes zhvillimit të aftësitë e tyre të mendimit kritik, i cili do të lejojë që ata të bëhen të lirë, ekspertë të pavarur dhe krijues në fushën e tyre.
Diplomë "Bachelor": Marketing, Publicitet dhe Marrëdhënie me Publikun
Plani mësimor- Diplomë Bachelor në "Marketing, Publicitet dhe Marrëdhënie me Publikun" (PDF)
Diplomë "Bachelor": Marketing, Publicitet dhe Marrëdhënie me Publikun
Diplomimi i studentëve në Universitetin ‘‘Barleti” në programin ‘‘Marketing, Publicitet dhe Marrëdhënie me Publikun’’ ofron mundësi të shumta karriere si:
- marketier ose specialist i marrëdhënieve me publikun në biznes, organizata jofitimprurëse, parti politike, agjenci publicitare, etj.;
- zëdhënës shtypi në organizata dhe institucione publike dhe private;
- menaxher produkti;
- komunikues ose asistent publiciteti;
- këshilltar marketingu;
- hulumtues tregu;
- përfaqësues shitjesh;
- menaxher shitjesh.
Diplomë "Bachelor": Marketing, Publicitet dhe Marrëdhënie me Publikun
Aplikimi për të studiuar në Universitetin ‘‘Barleti’’ në programin ‘‘Marketing, Publicitet dhe Marrëdhënie me Publikun’’, në ciklin e parë Bachelor bëhet përmes rregullave dhe udhëzimeve të përcaktuar nga Ministria e Arsimit, Sportit dhe Rinisë (MASR).
Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al
Përzgjedhja e programit ‘‘Marketing, Publicitet dhe Marrëdhënie me Publikun’’ dhe e Universitetit “Barleti” bëhet përmes formularit A2 në periudhat që përcaktohen me udhëzim nga MASR.
I gjithë proçesi i aplikimit kalon në dy raunde të cilat përcaktohen nga MASR.
SJELLIM NË VËMENDJE se aplikanti/maturanti mund të bëhet pjesë e UniBa-s vetëm kur e zgjedh UniBa-n dhe programin ‘‘Marketing, Publicitet dhe Marrëdhënie me Publikun’’.
Në programin ‘‘Marketing, Publicitet dhe Marrëdhënie me Publikun’’, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson kriteret e mëposhtme:
- Vërteton me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
- Dorëzon të gjithë dokumentacionin e kërkuar në udhëzimet e MASR dhe rregulloret e brendshme të UniBa-s.
- Paguan tarifën e studimeve sipas kushteve dhe kritereve të përcaktuara në marrëveshjen mes UniBa-s dhe Studentit.
Pranimi i studentëve në programin ‘‘Marketing, Publicitet dhe Marrëdhënie me Publikun’’, cikli i parë Bachelor bëhet mbështetur në kuotat e përcaktuara nga UniBa dhe të miratuara nga MASR, mbi bazën e standardeve të përcaktuara nga MASR, të akteve ligjore e nënligjore dhe rregulloreve të UniBa-s. Proçesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.
Diplomë "Bachelor": Marketing, Publicitet dhe Marrëdhënie me Publikun
Tarifa e studimit në programin ‘‘Marketing, Publicitet dhe Marrëdhënie me Publikun’’ në Universitetin ‘‘Barleti” është ndër më konkurrueset në treg, pasi synohet ardhja në ndihmë studentëve, duke u ofruar një mundësi studimi. Likuidimi i tarifës kryhet me 3 këste.
Kohëzgjatja normale e studimeve në ciklin Bachelor është 3 vite akademike.
Koha maksimale e studimeve në ciklin Bachelor është 6 vite akademike.
Akordimi i një viti shtesë akademik shoqërohet me aplikimin e një tarife studimi shtesë.
Diplomë "Bachelor": Marketing, Publicitet dhe Marrëdhënie me Publikun
