Diplomë "Bachelor": Infermieri

Plani mësimor - Diplomë Bachelor në "Infermieri" (Microsoft Excel)

Diplomë "Bachelor": Infermieri

Në përfundim të programit mësimor studenti aftësohet të:

• Krijojë bazat e profesionit të infermierit
• Të jetë i aftë të identifikojnë nevojat shërdetësore të individit dhe të komunitetit
• Identifikojë nevojat e kujdesit infermieror të individit dhe të komunitetit
• Planifikojë, drejtojë dhe vlerësojë ndërhyrjen e ndihmës së infermierit
• Garantojë aplikimin korrekt të recetave diagnostiko-terapeutike
• Veprojë si individualisht ashtu edhe në bashkëpunim me të tjerë operatorë shëndetsorë e socialë
• Ndihmojë në krijimin e personelit mbështetës dhe bashkëpunojë në mënyrë të drejtëpërdrejtë në përmirësimin e profilit të tyre profesional dhe në kërkimet shkencore.
• Krijimin e marrëdhënieve pozitive me pacientin, veçanërisht në lidhje me komplikacionet.

Mundësi punësimi:

• Institucione të ofrimit të shërbimit shëndetësor parësor publike dhe jopublike
• Institucione spitalore publike dhe jopublike
• Institucione arsimore
• Institucione multidisiplinore
• Ofrim shërbimi në komunitet (shtëpi)
• Organizata jofitimprurëse

Diplomë "Bachelor": Infermieri

Aplikimi për të studiuar në “Universiteti Barleti” në programin “Infermieri” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit dhe Sportit(MAS).

Aplikantët fillimisht plotësojnë formularët A1/A1Z që të bëhen pjesë e sistemit.
Aplikimi bëhet në portalin e Maturës Shtetërore: http://matura.qsha.gov.al

Përzgjedhja e programit “Infermieri” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MAS.

I gjithë procesi i aplikimit kalon në dy raunde të cilat përcaktohen nga MAS.

SJELLIM NË VËMENDJE se aplikanti/maturanti mund të bëhet pjesë e UniBa-së vetëm kur e zgjedh UniBa programin “Infermieri”.

Në programin “Infermieri”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MAS).
• Dorëzon të gjithë dokumentacionin e kërkuar në udhëzimet e MAS dhe rregulloret e brendshme të UniBa-së.
• Të paguajë tarifën e studimeve sipas kushteve dhe kritereve të përcaktuar në marrëveshjen mes UniBa-së dhe Studentit.

Pranimi i studentëve në programin “Infermieri”, cikli i parë Bachelor bëhet mbështetur në kuotat e përcaktuara nga UniBa dhe të miratuara nga MAS, mbi bazë të standardeve të përcaktuara nga MAS, të akteve ligjore e nënligjore dhe rregulloreve të UniBa-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Diplomë "Bachelor": Infermieri

Tarifa e studimit në programin “Infermieri” në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në ciklin Bachelor është 3 vite akademikë.

Koha maksimale e studimeve në ciklin Bachelor është 6 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.