Universiteti Barleti prezanton ecurinë e fazës kërkimore të projektit DigiYouth në takimin koordinues në Soverato, Itali - Universiteti "Barleti"
Universiteti Barleti prezanton ecurinë e fazës kërkimore të projektit DigiYouth në takimin koordinues në Soverato, Itali
Universiteti Barleti prezanton ecurinë e fazës kërkimore të projektit DigiYouth në takimin koordinues në Soverato, Itali

Partnerët e Konsorciumit DigiYouth – Digital Youth Initiative in Europe zhvilluan në Soverato, Itali, takimin koordinues të projektit, me fokus vlerësimin e rezultateve të arritura gjatë gjashtë muajve të parë dhe planifikimin e hapave të përbashkët për periudhën në vijim.

DigiYouth është një projekt Erasmus+ që synon të forcojë aftësitë digjitale dhe njohuritë mbi inteligjencën artificiale tek të rinjtë, edukatorët dhe punonjësit rinorë, duke mbështetur përdorimin etik të teknologjive të reja, përfshirjen sociale, punësimin dhe inovacionin në arsim.

Gjatë takimit, një vëmendje e veçantë iu kushtua ecurisë së WP2 – Kërkimi, paketë pune e udhëhequr nga Universiteti Barleti. Në këtë fazë u prezantuan rezultatet kryesore të kërkimit mbi përdorimin e inteligjencës artificiale në proceset edukative, si dhe nevojat dhe sfidat e identifikuara në vendet partnere. Gjetjet e kësaj faze do të shërbejnë si bazë për zhvillimin e aktiviteteve të ardhshme trajnuese, materialeve mbështetëse dhe rekomandimeve praktike të
projektit.

Në takim u diskutua gjithashtu për strategjinë e komunikimit dhe diseminimit, si dhe për hapat e ardhshëm të WP3 – Ndërtimi i Kapaciteteve, ku partnerët do të bashkëpunojnë për zhvillimin e trajnimeve, platformës së të nxënit dhe materialeve që do të mbështesin edukatorët dhe të rinjtë në përdorimin e inteligjencës artificiale në mënyrë të përgjegjshme dhe praktike.

Takimi konfirmoi angazhimin e të gjithë partnerëve për të çuar përpara objektivat e projektit DigiYouth dhe për të forcuar bashkëpunimin ndërkombëtar në mbështetje të të rinjve, arsimit, inovacionit digjital dhe transformimit të qëndrueshëm të kompetencave për të ardhmen.

Foto Galeri
Universiteti Barleti prezanton ecurinë e fazës kërkimore të projektit DigiYouth në takimin koordinues në Soverato, Itali

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.