English
Shqip
Përsëritet thirrja për aplikime në doktoratë në “Shkenca Ekonomike dhe Juridike” 2026–2027
Universiteti “Barleti” njofton përsëritjen e thirrjes për aplikime në programin e studimeve të ciklit të tretë (Doktoratë) në “Shkenca Ekonomike dhe Juridike”, për vitin akademik 2026–2027.
Programi synon të mbështesë zhvillimin e kërkimit shkencor dhe formimin e studiuesve e profesionistëve me kompetenca të avancuara në fushat e ekonomisë, biznesit, qeverisjes dhe drejtësisë, përmes një qasjeje ndërdisiplinore dhe metodave bashkëkohore të kërkimit.
Fushat dhe nënfushat e studimit
Kandidatët e interesuar mund të aplikojnë në këto fusha dhe nënfusha kërkimore:
Shkenca Ekonomike:
- Kontabilitet
- Financë
- Menaxhim, Sipërmarrje dhe Inovacion
- Marketing dhe Sjellje Konsumatore
Shkenca Juridike:
- Studime Kushtetuese
- E Drejtë Ndërkombëtare Publike
- E Drejtë Evropiane
- E Drejta Tregtare në Bashkimin Evropian
- E Drejtë Penale dhe Procedurë Penale
- Kriminologji dhe Penologji
- Krimi Ekonomiko-Financiar
Aplikimi dhe dokumentacioni
Kandidatët duhet të paraqesin dokumentacionin përkatës të aplikimit, duke përfshirë kërkesën për aplikim me përcaktimin e nënfushës së kërkimit, Curriculum Vitae (CV), projekt-propozimin e kërkimit shkencor, dokumentacionin akademik, dëshminë e njohjes së gjuhës së huaj, dy letra rekomandimi nga persona me tituj akademikë, si dhe dokumentet e tjera të përcaktuara në thirrjen zyrtare.
Afati i fundit për aplikim është data 16 nëntor 2026.
Dokumentacioni dorëzohet pranë zyrës së Koordinatorit të Programit të Doktoraturës, Dr. Blerina Banushi, në katin e parë të godinës së Universitetit “Barleti”, nga e hëna në të premte, gjatë orarit 08:30–16:30.
Dokumentacioni dhe informacioni i detajuar
Për më shumë informacion mbi programin e studimit, kriteret e pranimit dhe procedurat e aplikimit, kandidatët e interesuar ftohen të konsultojnë dokumentet e mëposhtme:
- Përshkrimi i programit të doktoratës në “Shkenca Ekonomike dhe Juridike” (PDF)
- Thirrje për aplikime në programin e doktoratës në “Shkenca Ekonomike dhe Juridike”, viti akademik 2026–2027 (PDF)
Universiteti “Barleti” fton të gjithë kandidatët që plotësojnë kriteret e përcaktuara të paraqesin aplikimet e tyre brenda afatit të njoftuar.
Lajmet e fundit
-
-
-
-
-
-
-
Ceremonia e Bluzave të Bardha në Universitetin Barleti!
28 Tetor 2026 -
