Stafi i Universitetit Barleti zhvillon trajnime në Big Data për studentët në kuadër të projektit Erasmus+ RES-UNI - Universiteti "Barleti"
Stafi i Universitetit Barleti zhvillon trajnime në Big Data për studentët në kuadër të projektit Erasmus+ RES-UNI
Stafi i Universitetit Barleti zhvillon trajnime në Big Data për studentët në kuadër të projektit Erasmus+ RES-UNI

Në datat 11–12 maj 2026, Universiteti Barleti organizoi trajnime të dedikuara për studentët në fushën e Big Data, në kuadër të aktiviteteve të transferimit të njohurive të projektit Erasmus+ CBHE RES-UNI (Research Universities for the Western Balkans).

Trajnimet u zhvilluan nga pedagogët e Universitetit Barleti, të cilët më herët kishin marrë pjesë në  trajnime të organizuara në kuadër të projektit RES-UNI, ku përfituan njohuri të avancuara në fushat e Big Data, Cloud Computing, Machine Learning, Artificial Intelligence dhe Data Management Systems.

Gjatë dy ditëve të trajnimit, studentët u njohën me konceptet themelore dhe aplikimet praktike të Big Data, teknologjitë moderne të përpunimit dhe analizës së të dhënave, si dhe rolin e Inteligjencës Artificiale në transformimin digjital të organizatave dhe shoqërisë.

Aktiviteti synoi të fuqizojë aftësitë digjitale të studentëve dhe të krijojë një urë lidhëse ndërmjet njohurive të fituara në nivel ndërkombëtar nga stafi akademik dhe procesit të mësimdhënies në universitet. Përmes prezantimeve interaktive dhe diskutimeve mbi rastet reale të përdorimit të Big Data, studentët patën mundësinë të zgjerojnë njohuritë e tyre mbi teknologjitë që po transformojnë tregun global të punës.

Kjo nismë përbën një shembull konkret të ndikimit të projektit RES-UNI në rritjen e kapaciteteve akademike dhe në përmirësimin e cilësisë së arsimit të lartë, duke siguruar që njohuritë dhe praktikat më të mira ndërkombëtare të transferohen drejtpërdrejt tek studentët.

Universiteti Barleti mbetet i përkushtuar në promovimin e inovacionit, kërkimit shkencor dhe zhvillimin e kompetencave digjitale, në përputhje me standardet evropiane të arsimit të lartë.

Foto Galeri
Stafi i Universitetit Barleti zhvillon trajnime në Big Data për studentët në kuadër të projektit Erasmus+ RES-UNI
Stafi i Universitetit Barleti zhvillon trajnime në Big Data për studentët në kuadër të projektit Erasmus+ RES-UNI

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.