Leksion i Hapur "Neuromarketingu dhe Sjellja e Konsumatorit"

Leksion i Hapur "Neuromarketingu dhe Sjellja e Konsumatorit" - Universiteti "Barleti"

Leksion i Hapur "Neuromarketingu dhe Sjellja e Konsumatorit"

2026-06-01

Studentët patën mundësinë të marrin pjesë në një leksion të hapur me temë “Neuromarketingu dhe Sjellja e Konsumatorit” nën kujdesin e prof. Besarta Tafa

E ftuar ishte Sonja Hoxha, eksperte e marketingut dhe marrëdhënieve me publikun, e cila ndau me studentët njohuri dhe përvoja praktike mbi mënyrën se si proceset neurologjike ndikojnë në vendimmarrjen e konsumatorëve, perceptimin e markave dhe efektivitetin e komunikimit të marketingut.

Gjatë leksionit u trajtuan konceptet kryesore të neuromarketingut, roli i emocioneve në procesin e blerjes, si dhe strategjitë që bizneset përdorin për të kuptuar më mirë nevojat, motivimet dhe preferencat e konsumatorëve.

Përmes diskutimeve dhe shembujve praktikë, studentët u njohën me qasje bashkëkohore që ndihmojnë në krijimin e strategjive më efektive të marketingut dhe komunikimit.

Ky aktivitet shërbeu si një mundësi e vlefshme për të lidhur teorinë me praktikën, duke nxitur mendimin kritik dhe duke pasuruar njohuritë e studentëve mbi sjelljen e konsumatorit në tregjet moderne.