Prezantimi i projektit: “Indeksi i Zhvillimit të Fëmijërisë së Hershme: Aplikimi i tij në Shqipëri” - Universiteti "Barleti"
Prezantimi i projektit: “Indeksi i Zhvillimit të Fëmijërisë së Hershme: Aplikimi i tij në Shqipëri”
Prezantimi i projektit: “Indeksi i Zhvillimit të Fëmijërisë së Hershme: Aplikimi i tij në Shqipëri”

Më 26 janar 2026, në kuadër të aktiviteteve akademike dhe kërkimore, u prezantua projekti kërkimor “Indeksi i Zhvillimit të Fëmijërisë së Hershme: Aplikimi i tij në Shqipëri”, ku Universiteti Barleti është shpallur fitues. Projekti bazohet në Indeksin e Zhvillimit të Fëmijërisë së Hershme (Early Childhood Development Index – ECDI), një instrument ndërkombëtar vlerësimi i zhvillimit të fëmijëve në vitet e para të jetës. Ky projekt, në fushën e shëndetit dhe shkencave mjekësore, financohet nga Agjencia Kombëtare e Kërkimit Shkencor dhe Inovacionit (AKKSHI), në kuadër të Projekteve të Kërkimit dhe Zhvillimit (PKKZH) 2025.

Projekti synon analizimin dhe përshtatjen e këtij indeksi në kontekstin shqiptar, duke ofruar të dhëna të vlefshme për hartimin e politikave shëndetësore, edukative dhe sociale. Gjatë aktivitetit u trajtuan aspektet teorike dhe praktike të indeksit, metodologjia e punës, si dhe pritshmëritë për ndikimin e tij në sistemin shëndetësor dhe atë arsimor në vend.

Prezantimi u udhëhoq nga grupi i punës i përbërë nga Prof. Dr. Evda Vevecka, Prof. Dr. Eleni Nastas dhe MSc. Jola Çini.

Aktiviteti u ndoq me interes nga stafi akademik dhe studentët, duke nxitur diskutime mbi rëndësinë e ndërhyrjeve të hershme dhe rolin e kërkimit shkencor në zhvillimin e qëndrueshëm të shoqërisë. Përmes këtij angazhimi, Universiteti Barleti vijon të forcojë rolin e tij si një institucion lider në kërkimin shkencor, duke përfshirë edhe studentët në projekte me ndikim real social.

Foto Galeri
Prezantimi i projektit: “Indeksi i Zhvillimit të Fëmijërisë së Hershme: Aplikimi i tij në Shqipëri”

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.