Zyra Erasmus e Universitetit Barleti shpall thirrjen për aplikime për mobilitet Erasmus+ KA171 për trajnimin e stafit në Universitetin e Granadës, Spanjë, në kuadër të aktivitetit International Week in IT, të organizuar nga Qendra e Rrjeteve dhe Shërbimeve të Teknologjisë së Informacionit (Network and IT Services Centre).
Trajnimi synon shkëmbimin e njohurive, përvojave profesionale dhe praktikave të mira në fushën e Teknologjisë së Informacionit dhe shërbimeve IT.
Stafi që mund të aplikojë:
Stafi akademik dhe administrativ që punon në departamentin e IT-së, shërbimet IT, administrimin e rrjeteve dhe mbështetjen teknike.
Detajet e mobilitetit:
- Lloji i mobilitetit: Mobilitet i stafit për trajnim (STT)
- Periudha e mobilitetit: 8–12 mars 2027
- Vendi: Universiteti i Granadës, Spanjë
- Gjuha e trajnimit: Anglisht
- Fusha: Teknologjia e Informacionit (Network and IT Services Centre)
Afati i brendshëm i aplikimit: 10 dhjetor 2026
Aplikimet duhet të dërgohen në adresën: [email protected]
