Në kuadër të lëndëve “Menaxhim Udhëtimi” dhe “Guide Turistike”, studentët e vitit të tretë të Edukimit Fizik dhe Sporte zhvilluan itinerarin e tyre të parë praktik në natyrë.
Aktiviteti përfshiu një udhëtim eksplorues në Shpellën e Pëllumbasit, njohur për bukuritë natyrore dhe historinë e saj, si dhe një ndalesë kulturore në Muzeun e Armëve.
Gjatë itinerarit, studentët patën mundësi të mësojnë mbi:
• teknikën e guidimit në terren malor dhe mënyrën e komunikimit me grupet turistike;
• interpretimin e peizazhit natyror dhe kulturor;
• menaxhimin e riskut dhe sigurisë gjatë udhëtimeve;
• si të strukturojnë një itinerar profesional për hiking dhe ecje në natyrë.
Ky aktivitet praktik ndihmon studentët të lidhin teorinë me përvojën reale në terren, duke zhvilluar kompetenca thelbësore për fushën e turizmit sportiv dhe udhëtimeve të qëndrueshme.
