Transformimi dixhital i ARPAD Partners – Bashkëpunim me Universitetin Barleti, fitues në thirrjen PTI të AKKSHI - Universiteti "Barleti"
Transformimi dixhital i ARPAD Partners – Bashkëpunim me Universitetin Barleti, fitues në thirrjen PTI të AKKSHI


Universiteti Barleti, në bashkëpunim me kompaninë ARPAD Partners, është përzgjedhur fitues në thirrjen për Projektet e Teknologjisë së Informacionit (PTI) nga Agjencia Kombëtare e Kërkimit Shkencor dhe Inovacionit (AKKSHI), me projektin “Transformimi dixhital i kompanisë ARPAD Partners: Rritja e kapaciteteve dhe propozimi i zgjidhjeve të personalizuara”.

Projekti synon të mbështesë kompanitë e vogla dhe të mesme në procesin e dixhitalizimit, duke testuar zgjidhjet e propozuara fillimisht në kompaninë ARPAD Partners. Nëpërmjet analizës së sfidave aktuale, propozimit të zgjidhjeve të personalizuara dhe rritjes së kapaciteteve të stafit, synohet ngritja e një modeli të suksesshëm që mund të adoptohet edhe nga biznese të tjera.

Kjo nismë është në përputhje me objektivat e Agjendës Dixhitale të Shqipërisë dhe strategjive kombëtare për inovacionin dhe zhvillimin e biznesit, duke kontribuar drejtpërdrejt në përmirësimin e konkurrueshmërisë dhe efikasitetit në tregun shqiptar.

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2025 - Universiteti Barleti - Tiranë. Të gjitha të drejtat të rezervuara.