STUDENTË TË HUAJ PËR PRAKTIKË NË UNIVERSITETIN BARLETI - Universiteti "Barleti"
STUDENTË TË HUAJ PËR PRAKTIKË NË UNIVERSITETIN BARLETI


Prej disa vitesh tashmë, Universiteti Barleti, në kuadër të projektit Erasmus+ , krahas shkëmbimeve të stafit, kryen dhe shkëmbime studentësh nga fusha të ndryshme. Studentët e Barletit, kanë arritur rezultate tejet të mira, madje shpesh herë të shkëlqyera në unviersitetet e huaja me të cilat ne kemi partneritet (si universiteti i Cordoba në Spanje, Universiteti South Bohemia në Çeki, Universiteti i Sakarya në Turqi, Universiteti i Timisoara, Rumani etj.).

Përveç përzgjedhjes së studentëve për shkëmbime jashtë, universiteti ynë, gjithashtu ka pritur studentë të huaj. Së fundmi, ishte studentja Ana Haller, nga Univeristeti i Seville në Spanjë, e cila erdhi në universitetin tonë në kuadër të shkëmbimeve Erasmus+, për të kryer praktikën profesionale. Ana, studente e vitit te dytë në degën “Marketing dhe Publicitet”, kreu praktikën profesionale në zyrën e platformës “Talenti”, nën mbikqyrjen e drejtuesit operacional, Erion Muça. E angazhuar çdo ditë në ambientet e unviersitetit tonë, Ana është angazhuar   në mënyrë të hollësishme me  planin konceptual për dizajnin e përdorur në web, me idetë e marketingut për mediat sociale dhe buletinin, videot promovuese të platformës “Talenti” dhe jo vetëm,  koncept ide për optimizimin e dizajnit,  sugjerime për të rritur shikueshmërinë në web, etj..

Në përfundim të praktikës, Ana shprehet shumë e kënaqur nga eksperienca e saj në univeristetin tonë, nga stafi miqësor me të cilin ka bashkëpunuar çdo ditë, nga njohuritë e shumta praktike që ka përftuar,  dhe së fundmi  nga i gjithë qëndrimi i saj në Tiranë.
Gjatë vitit tjetër akademik, priten të tjera mobilitete hyrëse dhe dalëse të studentëve, duke u fokusuar gjithmonë e më shumë te cilësia e këtyre shkëmbimeve.

Foto Galeri
STUDENTË TË HUAJ PËR PRAKTIKË NË UNIVERSITETIN BARLETI
STUDENTË TË HUAJ PËR PRAKTIKË NË UNIVERSITETIN BARLETI

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2025 - Universiteti Barleti - Tiranë. Të gjitha të drejtat të rezervuara.