Klubi i Arkitektëve, në kuadër të lëndës "Arkitekturë Interieri dhe Mobilimi" nën mentorimin e Arch.Msc. Ajda Carcani realizuan vizitën në terren në shkollën e Mesme “Sinan Tafaj” për projektin e rinovimit të Bibliotekës së shkollës.
Në këtë fazë, studentët u njohën me ambientin aktual të bibliotekës dhe realizuan matjet e gjendjes ekzistuese të saj. Përmes instrumetave u azhornua gjendja ekzistuese e planimetrisë, mureve, dyerve dhe dritareve, planit elektrik dhe të ndriçimit si dhe sistemi ngrohjes dhe ftohjes për të disponuar në këtë mënyrë informacionin e nevojshëm për të nisur me fazën e projekt propozimit.