English
Shqip
Informimi dhe ndërgjegjësimi për ndihmën juridike falas
Departamenti i Drejtësisë pranë Universitetit Barleti organizoi leksionin e hapur me përfaqësues nga Drejtoria e Ndihmës Juridike Falas, me tematikë “Informimi dhe ndërgjegjësimi për ndihmën juridike të garantuar nga shteti”.
Drejtori i Përgjithshëm i Drejtorisë së Ndihmës Juridike Falas, Ergys Cyrici, së bashku me specialisten Suela Qevani, i njohën studentët mbi sistemin e ndihmës juridike të garantuar nga shteti dhe risitë që ligji i ri solli.
Ky leksion pati në fokus dhe vendimin e parë lidhur me ndihmën juridike falas të Gjykatës Evropiane të të Drejtave të Njeriut “Çështja Laçi kundër Shqipërisë” 19 Tetor 2021.
Në fjalën e saj përshëndetëse Shefja e Departamentit të Drejtësisë, Prof.Asoc. Elisabeta Imeraj, theksoi se ky leksion i hapur është vetëm fillimi i një sërë aktivitetesh që Departamenti Drejtësisë do të zhvilloi për studentët përgjatë vitit akademik 2023-2024.
Përfaqësuesit e Drejtorisë së Ndihmës Juridike Falas u ndalën në tri pika kryesore, të cilat i trajtuan në mënyrë interaktive me studentët e Drejtësisë pranë UniBa.
- Ndihmën juridike parësore, dytësore dhe ofruesit e shërbimit
- Rolin e Klinikave të Ligjit në ofrimin e këtyre shërbimeve
- Raste praktike mbi mënyrën e ofrimit të ndihmës juridike parësore
Gjithashtu studentëve Barletas ju rikujtua se Drejtoria e Zbatimit të Politikave dhe Administrimit të Ndihmës Parësore është e gatshme t’i mirëpresë për të zhvilluar praktikën pranë ambienteve të kësaj Drejtorie.
Foto Galeri
Lajmet e fundit
-
5 Dhjetori Dita Ndërkombëtare e Vullnetarizmit
05 Dhjetor 2024 -
-
Pjesëmarrje në Kongresin Ndërkombëtar të Shkencave Mjekësore 7
05 Dhjetor 2024 -
-
Udhëtim në Brezovicë dhe Prizren
03 Dhjetor 2024 -
-
-
