Rrugëtim në krijimtarinë e shkrimtarit Viktor Canosinaj

Rrugëtim në krijimtarinë e shkrimtarit Viktor Canosinaj - Universiteti "Barleti"

Rrugëtim në krijimtarinë e shkrimtarit Viktor Canosinaj

2022-05-20

Në vijimësinë e aktiviteteve letrare Klubi Books&Tech dhe Biblioteka e Universitetit Barleti, nën ciklin e organizimeve “Tako Shkrimtarin”, kishin të ftuar shkrimtarin Viktor Canosinaj. Një brez që është rritur me letersinë për adoleshentë që ky shkrimtar shkruan do të ishte krejtësisht e pashmangshme të mos e kërkonin dhe dëshironin një takim me shkrimtarin që i ka bërë të ëndërrojnë.

Takimi kishte në qendër te diskutimit romanin e fundit të autorit “Hija e Mbretit”, roman ky kushtuar lirisë dhe dashurisë së vërtetë njerëzore. Studentët sollën në diskutim personazhet e këtij romani, rrëfimin, subjektin, duke mos lënë jashtë vëmendjes dhe puhizën magjike që të ndjek nga fillimi dhe deri në përfundim të romanit. Më tej, diskutimi lëvizi te Viktori shkrimtar, te sfidat e tij me letrën e bardhë, te muza e tij, përpjekjet që i duhen një shkrimtari të hyjë në lëkurën e personazheve dhe sa arrin të identifikohet me ta.

Shkrimtari që i kishte magjepsur me librat e tij në moshën e fwmijërisë dhe adoleshencës, tanimë, do vazhdojë të mbushi botën e tyre me fantazi me librat për të rritur.

Nëse e gjen veten në klubin e librit, bëhu pjesë.
Bota e librit është e magjishme, le ta ndajmë më njëri-tjetrin!

Për tu bërë pjesë e klubeve klikoni mbi linkun https://forms.gle/TQC5TqzVRbkUf9MF7 ose kontaktoni Dekanen e Studentëve në [email protected]