Departamenti i Turizmit, Mikpritjes dhe Rekreacionit në bashkëpunim me “Travel Magazine” organizoi leksionin e hapur me temë “ Komunikimi dhe rëndësia e tij në marketingun e turizmit të së ardhmes”. Ky leksion u mbajt më datë 26 nëntor, në sallen “Forum Theater” të Universitetit Barleti. Leksioni u mbajt nga MSc. Floresha Baba Xhemani, eksperte e komunikimit dhe promocionit në destinacionet turistike, sektorin e mikpritjes, industrinë e ushqimit dhe shërbimet e tjera të turizmit.
Në leksion morën pjesë pedagogë dhe studentë kryesisht të departamentit të turizmit si dhe të tjerë anëtarë të stafit të interesuar mbi këtë tematikë. Ndër temat kryesore të trajtuara ishte eksperienca në Revistën Travel dhe roli që zë në promovimin e turizmit në rajon, rëndësia e komunikimit në turizëm dhe sfidat e hasura, sidomos në post pandemi, aftësitë profesionale që kërkon turizmi etj.