Kupa e Shqipërisë, UB mposht të tre-ja skuadrat - Në gjysmëfinale kundër Teutës - Universiteti "Barleti"
Kupa e Shqipërisë, UB mposht të tre-ja skuadrat - Në gjysmëfinale kundër Teutës
Kupa e Shqipërisë, UB mposht të tre-ja skuadrat - Në gjysmëfinale kundër Teutës

Kanë përfunduar ndeshjet eliminatore të kupës së Shqipërisë, ku vajzat universitare kanë dalë fituese në të tre takimet e ndeshura.
Dy ndeshjet, ajo me ekipin e Flamurtarit të Vlorës, dhe ekipin e Skënderbeut të Korçës kanë qenë pa problem për ekipin e Barletit, dhe janë fituar me rezultatin 3-0.

Ndeshja derbi, më e rëndësishme ka qenë përballja me skuadrën e Tiranës, rivalen e saj të hershme. UB Volley ka mbetur e pathyer edhe në këtë sfidë, duke treguar potencën e saj si skuadër, e përbëre nga lojtare me eksperiencë dhe titullarë të ekipit kombëtar.

Kjo sfidë është luajtur në pallatin e sportit “Farie Hoti”, Tiranë. Një ndeshje e bukur, e cila ka përcjellë emocione e rivalitet deri në fund të saj.
Ekipi universitar me një qetësi e maturi ja ka dalë të mposhtë bindshëm setin e parë me rezultatin 25-12. Në setin e dytë ishte një tjetër paraqitje e skuadrave, ku ekipi i Tiranës “u ringjall” dhe u bë më aktiv. Duke qenë se universitaret u përgjumën nga seti i parë, ekipi i Tiranës përfitoi nga neglizhenca e Barletaseve dhe fitoi setin e dytë, me shifra shtesë 27-25.

Në setin e tretë vajzat tona nuk toleruan dhe fituan setin 25-18, duke mos i lënë hapësira për të sulmuar vajzave bardheblu. E njëjta pasqyrë si seti i dytë ka qenë seti i katërt, ku dolën fituese vajzat e Tiranës. Duhet theksuar që ato kanë bërë një paraqitje të mirë në mbrojtje, dhe organizimin e lojës. Në fakt elementi i mbrojtjes në ekipin tonë nuk funksionoi ashtu siç duhej.
Tek ne binte në sy elementi i sulmit dhe bllokut, u dallua për paraqitje të mirë kapitenia e ekipit Enkeleda Braho, me 20 pike, Nezaj e Shkurti me 16 pikë.
Në bllok ka dalë fituese shtatlartja Nezaj, me 5 mure fituese, ashtu si edhe në shërbim me 4 pikë.
Në setin final ekipi Barletas nuk fali më, duke treguar vlerat e vërteta të tij.

Për rrjedhojë, Barletaset me këtë sukses të arritur siguruan kualifikimin në gjysmëfinalet e kupës së Shqipërisë.
Kësisoj, skuadra e Universitetit Barleti mbetet skuadra kryesore pretendente për kupën e Shqipërisë.

Foto Galeri
Kupa e Shqipërisë, UB mposht të tre-ja skuadrat - Në gjysmëfinale kundër Teutës
Kupa e Shqipërisë, UB mposht të tre-ja skuadrat - Në gjysmëfinale kundër Teutës

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.