English
Shqip
Prezantimi i "Programeve të Certifikuara për Turizmin në Shqipëri" të Institutit Arsimor Amerikan për Hotelerinë, (AHLEI)
Universiteti "Barleti"( UB) në bashkëpunim me Agjensinë e Shteteve të Bashkuara për Zhvillim Ndërkombëtar (USAID) Projekti Rritje Albania ,datë 3 dhjetor 2013, ora 18:00 - 20:00 në ambjentet e Universitetit Barleti organizuan:
Prezantimin e “Programeve të Certifikuara për Turizmin në Shqipëri” të Institutit Arsimor Amerikan për Hotelerinë, (AHLEI).
Të ftuar nderi në këtë event ishin, Znj. Eglantina Gjermeni - Ministër i Zhvillimit Urban dhe Turizmit, Z. Erion Veliaj - Minister i Mireqenies Sociale dhe Rinisë dhe Z. Jim Barnhart, Drejtor i Misionit të USAID-it në Shqipëri.
Z. Veliaj në fjalën përshëndetëse shprehu kënaqësinë për partneritet dhe bashkëpunim në projekte të përbashkëta në kuadër të njohjes së eksperiencave të ndryshme të zbatuara nga Institucionet jo publike të Arsimit të Lartë, për zhvillimin e kurseve profesionale.
Znj. Gjermeni në fjalën e saj shprehu kënaqësinë e presencës së saj në Universitetin "Barleti", ku më parë ka ardhur si pedagoge, si drejtuese e shoqërisë civile, si deputete, tani si Ministre. Ndau kënaqësinë për bashkëpunim në projekte të tilla dhe rezultate të prekshme, që do të ndikojnë drejtpërdrejt në rritjen e turizmit si sektor i veçantë i ekonomisë, në rritjen e të ardhurave, të punësimit, por sidomos në rritjen e cilësisë së shërbimeve,rritjen e profesionalizmit në sektorin e turizmit.
Z. Jim Barnhart në emër të USAID/Shqipëri, përshëndeti dhe falenderoi Universitetin Barleti dhe DMO-në për bashkëpunimin e ngushtë, shprehu kënaqësine për partneritet dhe në projekte të ardhshme në fushën e Turizmit.
Z.Victor Luboyeski,Drejtor,Projektit USAID “Rritje Albania” bëri prezantimin e Institutit Arsimor Amerikan për Hotelerinë AHLEI,falenderoi për rezultatet e arritura dhe bashkëpunimin në projektet me dy institucionet si Universitetin Barleti dhe DMO-ne Korcë.
Gjatë programit pati prezantim nga Znj.Orieta Glozheni Drejtuese e DMO-së Korcë për Prezantimin e Kurseve të AHLEI -s dhe përfundimet e “ Anketimit mbi Trajnimet për Turizmin”
Dr.Gazmend Zeneli Drejtues i Departamentit Biznesit, Menaxhimit dhe Turizmit, prezantoi Programin në Menaxhim Turizmi të ofruar nga Universiteti Barleti në bashkëpunim me AHLEI. UB është përzgjedhur si i vetmi Universitet në Shqipëri që ofron kurse të Certifikuara në Hoteleri Turizëm nga ky Institucion Ndërkombëtar,bazuar në standardet e njohura të turizmit . Karakteristikë e këtij programi është që në përfundim studentët do të pajisen:
-Diplomë Bachelor Profesional të lëshuar nga UB.
-Çertifikata të lëshuara nga AHLEI për Operacione në Industrinë e Hoteleri-Turizmit.
Foto Galeri
Lajmet e fundit
-
Njoftim për vend të lirë pune - Staf akademik
28 Gusht 2026 -
Njoftim për vend të lirë pune - Staf akademik
28 Gusht 2026 -
-
-
-
-
-
