• 2013-09-30

Ditën e Hëne, më 30 Shtator 2013, Universiteti Barleti në bashkëpunim me Universitetin e Kosovës Universum, zhvilloi në qytetin e Prishtinës konferencën me temë ‘Arsimi i Lartë Shqiptar, Një e Ardhme e Përbashkët, Pa Kufij’. Konferencën e hapi rektori i Universitetit Barleti, Prof. Dr. Marenglen Spiro i cili prezantoj arritjet si dhe programet Bachelor dhe Master që ofron Universiteti Barleti. Më pas, fjalën e mori Administratorja e Universitetit Znj. Adriana Berberi e cila solli një tablo të përgjithshme rreth programit të Doktoraturës dhe bashkëpunimit me Universitetin amerikan Clemson.

Konferenca vazhdoi me referatet dhe prezantimet e dy Profesorëve të nderuar të Universitetit Barleti, ‘babait të drejtësisë shqiptare’ Prof. Acad. Luan Omari si dhe profesori Arch/Ing Spartak Bagllamaja, pjesëtar i brezit të parë të arkitektëve shqiptarë.

Dekani i Fakultetit Juridik të Universitetit Barleti, një ndër personalitetet e afirmuara të drejtësisë shqiptare, prezantoi kumtesën shkencore me temë: Parlamentarizmi Shqiptar në 100-vjet pavarësi. Prof. Omari trajtoi në mënyrë kronologjike dhe analitike historikun e evoluimit të shtetit shqiptar. Theksi i kumtesës ishte evidentimi i ngjarjeve dhe personaliteteve kyçe në shtet-formimin shqiptar; periudhave të cilat kanë pësuar ndryshime të vazhdueshme duke ju pergjigjur dinamikës së kohës, rishfaqjes së shenjave të para të rilindjes së parlamentarizmit; formimit të shtetit sipas dekadeve të ndryshme, konkretisht momenteve që shënuan historinë e të ashtuquajturit “triumf të legalitetit”, duke përcaktuar Shqipërinë si Republikë Parlamentare. Tema u ndoq me mjaft interes nga të pranishmit.

“ECOPOLIS - Një Qytet i së Ardhmes”

Shefi i Departamentit të Arkitekturës dhe Urbanistikës Ark/Ing Spartak Bagllamaja, mbajti referatën me titull: “ECOPOLIS - Një Qytet i së Ardhmes”. Gjatë saj, ai u ndal mbi strategjinë dhe objektivat e shkollës se Arkitekturës, risitë bashkëkohore, kombëtare dhe ndërkombëtare në formimin e arkitektit të së ardhmes dhe kualifikimit pasuniversitar të profesionistëve në këtë fushë. Ndër të tjera arkitekti u ndal në prezantimin e një shembulli konkret të një projekti bashkëkohor me temë qyteti i së ardhmes, CONCORDIA, NJЁ COPOLIS NЁ DETIN E ZI. Përse një Ecopolis? Pikërisht synon të sigurojë që në zbatimin e strategjive gjithëpërfshirëse rritjen rigjeneruese dhe restauruese, përmes urbanizmit humanitar dhe ekosistemeve. Koncepti i projektit. Perfeksioni, projektimi i një qyteti të ri, duke propozuar “Qytetin Ideal”. Ku artikulohen mjaft funksione që i japin jetë ECOPOLIS-it, projektimit të një qyteti të ri, duke propozuar “Qytetin Ideal”. Ku artikulohen mjaft funksione të cilat i japin jetë ECOPOLIS-it.

Të pranishëm ishin profesorë dhe studentë të të dy universiteteve, Barleti dhe Universum, të cilët ndoqën me interes referatet e profesorëve të nderuar. Në përfundim të konferencës një minutash të konsiderueshëm iu kushtua seksionit pyetje-përgjigje nga pedagoge dhe studentë. Gjithashtu u evidentuan vlerësime pozitive te pjesëmarrësve në konference, e cila u konsiderua një mundësi e mirë që studentët e Kosovës të njihnin më afër Universitetin Barleti.

Mikpritja dhe interesi reciprok dypalësh është një urë e mirë drejt një arsimit të lartë të përbashkët pa kufij.