Bisedime institucionale midis Rektorit të SHLU ”Universiteti Barleti” dhe Rektorit të Universitetit “Nënë Tereza” të Shkupit - Universiteti "Barleti"
Bisedime institucionale midis Rektorit të SHLU ”Universiteti Barleti” dhe Rektorit të Universitetit “Nënë Tereza” të Shkupit



Përgjatë ditëve të Konferencës Ndërkombëtare “Drejt një Zhvillimi të Qendrueshëm”, Rektori Marenglen SPIRO zhviloi n jë vizitë në Universitetin “Nënë Tereza” të Shkupit dhe u prit nga Rektori i këtij Universiteti, Prof. Azis POLLOZHANI, për një bisedë instiucionale bilaterale.

Në bisedë u shprehën vlerësimet e dyanëshme për institucionin homolog rciprok pjesmarrës në bisedime, lidhur me arritjet e derisotme të tyre. Pala e jonë, nëpërmjet Rektorit, shprehu çmueshmërinë e punimeve të konferencës në fjalë, kontributin e studjuesve dhe profesorëve të angazhuar nga Maqedonia e Veriut dhe të huaj nga shumë vende si edhe ecurinë vazhdimisht në rritje të këtij Universiteti, i cili po bëhet një nga më të rëndësishmit në këtë vend, pas Universitetit tradicional “Sant Clement Ohridskij” në Shkup. Pala maqedonase, nëpërmjet Rektorit Pollozhani vlerësoi arritjet e “Universiteti Barleti” në procesin e akredtimit instituconal ndërkombëtar të këtij institucioni si edhe vendimin përkatës të Bordit të Akreditimit të ASCAL; po ashtu, u çmua veprimtaria e këtij institucioni në sistemimin e hartës së programeve përbërëse të studimit, në në harmoni të madhe me nevojat e tregut në Shqipëri.

Të dy palët shprehën vullnetin për zhvillimine një bashkëpunimi të ngushtë të ardhëm institucional në fushën akademike, të kërkimit dhe të inovacionit e sipërmarrjes nëpërmjet dijeve të kultivuara, me qëllim rritjen e cilësisë së procesit të formimit të studentëve dhe zhvillimin e mëtejshëm të kërkimit në të dy institucionet; ato u solidarizuan për përpjekje të përbashkëta për formulimin dhe prezantimin për financime ndërkombëtare të projekteve të përbashkëta zhvillimore e kërkimore me synim aplikmin e dijeve në komunitetin rajonal si edhe për forcimin e bashkëjetesës dhe bashkëpunimit midis dy vendeve me natyra, në thelbin e vet, evropiane e demokratike.

Në biseda mori pjesë dhe Zëvendës Rektori i Universitetit “Nënë Tereza” të Shkupit.

Arkiva sipas:

Lajmet e fundit

REGJISTROHU NË NEWSLETTER
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Universiteti Barleti - Tiranë. Të gjitha të drejtat të rezervuara.