• 2026-09-02

Pozicioni: Asistent Lektor në Departamentin e Industrive Kreative
Profili: Staf Akademik në fushat Arkitekturë, Dizajn Interieri, Dizajn Industrial, ose fusha të tjera të ngjashme të projektimit dhe dizajnit (Dizajn Produkti)
Tipologjia: Me kohë të plotë
Afati i aplikimit: 18.09.2026

Kriteret kryesore për të aplikuar për pozicionin janë si më poshtë:

• Të ketë përfunduar studimet universitare në një fushë të përshtatshme, si Arkitekturë, Dizajn Interieri, Dizajn Industrial, Dizajn Produkti, ose fushë tjetër të ngjashme e lidhur drejtpërdrejt me projektimin dhe dizajnin.
• Të zotërojë diplomën “Master i Shkencave” (MSc) ose “Master i Arteve” (MA) në një nga fushat e sipërpërmendura ose fushë tjetër të përafërt.
• Për kandidatët që aplikojnë me gradë shkencore ose titull akademik, përbën kriter të përshtatshëm të kualifikimit zotërimi i gradës “Doktor i Shkencave” (PhD) ose titullit Profesor i Asociuar/Profesor Doktor, në përputhje me legjislacionin dhe aktet rregullatore në fuqi.
• Të ketë eksperiencë profesionale në praktikë (studio arkitekture/dizajni, kompani projektimi ose prodhimi) dhe/ose në mësimdhënie universitare, në një ose më shumë nga fushat e sipërpërmendura.
• Të ketë njohuri të mira në përdorimin e softuerëve të projektimit dhe modelimit të lidhur me profesionin (p.sh. AutoCAD, SketchUp, Revit, Rhino, Adobe Creative Suite, ose të ngjashëm).
• Të ketë aftësi për të zhvilluar dhe përditësuar lëndë universitare praktike (studio) në përputhje me zhvillimet bashkëkohore të disiplinës.
• Të ketë aftësi të mira komunikimi, prezantimi dhe bashkëpunimi akademik.
• Të jetë i/e gatshëm/e të angazhohet edhe në detyra administrative të departamentit (përgatitje aplikimesh për programe të reja, promovim institucional, projekte të departamentit).
• Të plotësojë çdo kriter tjetër të përcaktuar nga legjislacioni shqiptar për arsimin e lartë dhe nga rregulloret e brendshme të Universitetit.

Përparësi do të kenë kandidatët të cilët:

• Të ketë portofol projektesh profesionale ose akademike të realizuara në fushën e arkitekturës/dizajnit.
• Të ketë përvojë akademike në universitete të huaja ose institucione ndërkombëtare.
• Të ketë njohuri shumë të mira të gjuhës angleze, veçanërisht në përdorimin akademik dhe profesional.
• Të ketë publikime ose pjesëmarrje në konferenca shkencore kombëtare dhe/ose ndërkombëtare në fushën e dizajnit/arkitekturës.
• Të ketë eksperiencë në projekte kërkimore ose bashkëpunime industri-akademi.
• Të ketë formim ose interes ndërdisiplinor, që lidh fushën e tij/saj (arkitekturë, dizajn interieri, dizajn industrial) me praktikat bashkëkohore krijuese dhe teknologjike.

Aplikimi

Kandidatët duhet të dërgojnë në format elektronik dokumentacionin e mëposhtëm:

• Kërkesë me shkrim.
• CV (Curriculum Vitae) përfshirë listën e projekteve/punëve dhe referimeve në konferenca brenda ose jashtë vendit.
• Kopje të diplomave universitare.
• Kopje të dokumentit që vërteton gradën shkencore ose titullin akademik, sipas rastit (nëse ka).
• Portofol i shkurtër i punëve/projekteve (rekomandohet).

(*) Dokumentet e paraqitura në gjuhë të huaj duhet të shoqërohen me përkthimin përkatës.

(**) Për diplomat e marra në universitetet e huaja, duhet të dorëzohet fotokopje e noterizuar e certifikatës së njohjes nga organi kompetent (MA), ose vërtetim që janë në proces njohje.

Aplikimet duhet të dorëzohen me e-mail në: [email protected]