• 2026-08-28

Pozicioni: Lektor në Departamentin e Ekonomisë, Sipërmarrjes dhe Financës
Profili: Staf Akademik në fushat Menaxhim Biznesi dhe fusha të ngjashme
Tipologjia: Me kohë të plotë
Afati i aplikimit: 10.09.2026

Kriteret kryesore për të aplikuar për pozicionin janë si më poshtë:

• Të ketë përfunduar studimet universitare në një fushë të përshtatshme, si Menaxhim Biznesi, Administrim Biznesi, Ekonomi, Marketing, Sipërmarrje, Menaxhim Organizativ ose fusha të ngjashme.
• Të zotërojë gradën shkencore “Doktor i Shkencave (PhD)” dhe/ose titullin akademik “Profesor i Asociuar” ose “Profesor Doktor”, në një fushë relevante me pozicionin.
• Të ketë eksperiencë në mësimdhënie universitare dhe/ose kërkim shkencor në fushën e Menaxhimit të Biznesit ose në fusha të ndërlidhura.
• Të ketë njohuri të avancuara teorike dhe praktike në një ose më shumë nga fushat e përcaktuara në këto Terma Reference.
• Të ketë aftësi për përgatitjen dhe zhvillimin e lëndëve universitare, syllabuseve dhe materialeve mësimore.
• Të ketë aftësi të mira komunikimi, prezantimi, organizimi dhe bashkëpunimi.
• Të zotërojë gjuhën shqipe në nivel të përshtatshëm për zhvillimin e veprimtarisë akademike.
• Të plotësojë kriteret e tjera të përcaktuara nga legjislacioni në fuqi dhe rregulloret e brendshme të Universitetit.

Përparësi do të kenë kandidatët të cilët kanë:

• Kryer një ose më shumë nivele të studimeve universitare ose pasuniversitare në gjuhën angleze, në veçanti Bachelor, Master dhe/ose Doktoraturë.
• Përvojë akademike në universitete të huaja ose institucione ndërkombëtare.
• Eksperiencë në programe studimi të zhvilluara në gjuhën angleze.
• Publikime shkencore në revista kombëtare dhe/ose ndërkombëtare të indeksuara.
• Pjesëmarrje në konferenca shkencore kombëtare dhe ndërkombëtare.
• Eksperiencë në projekte kërkimore kombëtare ose ndërkombëtare.

Aplikimi

Kandidatët duhet të dërgojnë në format elektronik dokumentacionin e mëposhtëm:

• Kërkesë me shkrim.
• CV (Curriculum Vitae), përfshirë listën e botimeve shkencore dhe referimeve në konferenca shkencore brenda ose jashtë vendit.
• Kopje të diplomave universitare.
• Kopje të dokumentit që vërteton gradën shkencore Doktor i Shkencave (PhD) dhe/ose titullin akademik Profesor i Asociuar/Profesor Doktor, sipas rastit.

(*) Dokumentet e paraqitura në gjuhë të huaj duhet të shoqërohen me përkthimin përkatës.

(**) Për diplomat e marra në universitetet e huaja, duhet të dorëzohet fotokopje e noterizuar e certifikatës së njohjes nga organi kompetent (MASR), ose vërtetim që janë në proces njohje.

Aplikimet duhet të dorëzohen me e-mail në: [email protected]