Pjesëmarrje në event ndërkombëtar për inovacion dhe të dhëna digjitale

Pjesëmarrje në event ndërkombëtar për inovacion dhe të dhëna digjitale - Universiteti "Barleti"

Pjesëmarrje në event ndërkombëtar për inovacion dhe të dhëna digjitale

2026-02-20

Instituti për Kërkim dhe Zhvillim pranë Universitetit Barleti (BIRD) mori pjesë në eventin ndërkombëtar online NEXTCHAIN – Health Data Value Chains, i organizuar nga 28 Digital, një aktivitet që bashkon institucione kërkimore, biznese dhe aktorë të inovacionit për të nxitur bashkëpunimin dhe transformimin digjital në sektorë strategjikë. NEXTCHAIN është një seri eventesh evropiane që synojnë krijimin e partneriteteve, shkëmbimin e përvojave .

Në fokus të këtij edicioni ishte zhvillimi i zinxhirëve të vlerës në fushën e të dhënave shëndetësore dhe roli i transformimit digjital në përmirësimin e shërbimeve dhe inovacionit. Eventi mblodhi ekspertë ndërkombëtarë, organizata kërkimore dhe përfaqësues të institucioneve evropiane, përfshirë edhe pjesëmarrjen e strukturave të lidhura me Komisionin Evropian, duke krijuar një platformë të rëndësishme për networking, shkëmbim njohurish dhe identifikim të mundësive për bashkëpunime të ardhshme.

Pjesëmarrja e BIRD në këtë aktivitet kontribuon në forcimin e rolit të institucionit në ekosistemin evropian të inovacionit dhe në rritjen e angazhimit në iniciativa që lidhen me transformimin digjital, të dhënat, teknologjitë e avancuara dhe zhvillimin e partneriteteve ndërkombëtare. Ky angazhim mbështet misionin e BIRD për të promovuar kërkimin shkencor, inovacionin dhe integrimin e universiteteve shqiptare në rrjetet evropiane të zhvillimit dhe bashkëpunimit.